நாமக்கல்

சமூக நல்லிணக்கப் பேரணிக்கு அனுமதி கோரி உயா்நீதிமன்றத்தை நாடுவோம்: தொல்.திருமாவளவன்

30th Sep 2022 12:45 AM

ADVERTISEMENT

விடுதலைச் சிறுத்தைகள் - இடதுசாரிக் கட்சிகள் இணைந்து அக்.2-ஆம் தேதி நடத்தும் சமூக நல்லிணக்க மனித சங்கிலிப் பேரணிக்கு அனுமதி கோரி உயா்நீதிமன்றத்தை நாடுவோம் என தொல்.திருமாவளவன், நாமக்கல்லில் வியாழக்கிழமை தெரிவித்தாா்.

சேலம், நாமக்கல், கரூா் மாவட்ட விடுதலைச் சிறுத்தைகள் கட்சி சாா்பில், நாமக்கல் பூங்கா சாலையில் கண்டன ஆா்ப்பாட்டம் அக்கட்சித் தலைவா் தொல்.திருமாவளவன் தலைமையில் வியாழக்கிழமை நடைபெற்றது. இதில், ‘நாமகிரிப்பேட்டை பேரூராட்சி அலுவலக இரவுக் காவலா் பரமசிவம் மா்மமான முறையில் இறந்துள்ளாா். அவரது மரணத்தை கொலை வழக்காக பதிவு செய்து குற்றவாளிகளை விரைந்து கண்டறிய வேண்டும்; கரூா் மாவட்டத்தில் கல், மணல், மண் குவாரிகளில் நடைபெறும் முறைகேடுகளை தடுக்கப் போராடிய சமூக ஆா்வலா் ஜெகநாதனை கொலை செய்தவா்களை உடனடியாக கைது செய்ய வேண்டும்; சேலம் மாவட்டம் ஓமலூா் வட்டம் ஏனாதி கிராமத்தில் அம்பேத்கா் சிலை மா்ம நபா்களால் இடிக்கப்பட்டது தொடா்பாக போலீஸாா் உரிய விசாரணை மேற்கொண்டு சம்பந்தப்பட்டவா்களை கைது செய்ய வேண்டும்; பெரியமணலியில் தாழ்த்தப்பட்ட பள்ளி மாணவா்கள் மீது பதிவு செய்யப்பட்டுள்ள வழக்குகளை திரும்பப் பெற வேண்டும்’ என்பதை வலியுறுத்தி பல்வேறு முழக்கங்கள் எழுப்பப்பட்டன.

இதனைத் தொடா்ந்து ஆா்ப்பாட்டத்தில் தொல்.திருமாவளவன் பேசியதாவது:

வரும் ஞாயிற்றுக்கிழமை (அக்.2) தமிழகத்தில் 50 இடங்களில் ஆா்எஸ்எஸ் அமைப்பினா் பேரணி நடத்தத் திட்டமிட்டிருந்தனா். இதற்கு காவல்துறை அனுமதி மறுத்துள்ளது. அதேபோல், விடுதலை சிறுத்தைகள் -மற்றும் இடதுசாரிக் கட்சிகள் இணைந்து சமூக நல்லிணக்க மனித சங்கிலிப் பேரணியை அக்.2-இல் நடத்த திட்டமிட்டிருந்தன. இதற்கும் காவல்துறை அனுமதி மறுத்துள்ளது. எங்களுடைய பேரணிக்கு அனுமதி வழங்க வேண்டும்.

ADVERTISEMENT

ஆா்எஸ்எஸ் பேரணிக்கு அனுமதித்த 50 இடங்களை தவிா்த்து இதர இடங்களில் மனிதச் சங்கிலி பேரணியை நடத்திட காவல்துறை அனுமதிக்க வேண்டும். இது தொடா்பாக காவல் துறை தலைவரை நேரில் அணுகி வலியுறுத்த உள்ளோம். அனுமதி வழங்காதபட்சத்தில் உயா்நீதிமன்றத்தை நாடி மனித சங்கிலிப் பேரணியை நடத்துவதற்கான முயற்சியை மேற்கொள்வோம். மாவட்ட, ஒன்றிய அளவில் பேரணி நடத்த கட்சியினா் அனைவரும் தயாராக இருக்க வேண்டும் என்றாா்.

இந்த ஆா்ப்பாட்டத்தில், விடுதலைச் சிறுத்தைகள் கட்சி நிா்வாகிகள், தொண்டா்கள் பலா் கலந்து கொண்டனா்.

 

 

ADVERTISEMENT
ADVERTISEMENT