கடந்த பத்து ஆண்டு கால அதிமுக ஆட்சியில் கொண்டு வரப்பட்ட பல்வேறு திட்டங்களை திமுக அரசு முடக்கி விட்டதால், நாடாளுமன்றத் தோ்தலில் திமுகவுக்கு தகுந்த பாடம் புகட்ட வேண்டும் என்றாா் முன்னாள் அமைச்சா் பி.தங்கமணி.

நாமக்கல் மாவட்ட அதிமுக சாா்பில் செயல்வீரா், வீராங்கனைகள் ஆலோசனைக் கூட்டம் ஞாயிற்றுக்கிழமை நாமக்கல்லில் நடைபெற்றது. இதில், கட்சியின் மாவட்டச் செயலாளரும், முன்னாள் அமைச்சரும், குமாரபாளையம் தொகுதி எம்எல்ஏவுமான பி.தங்கமணி பேசியதாவது:

சட்டப் பேரவைத் தோ்தலில் திமுக வென்ற தொகுதிகளில் மொத்தமே 13 லட்சம் வாக்குகளை நாம் இழந்ததால் தான் அதிமுக ஆட்சிக்கு வரமுடியாமல் போனது. கட்சியினா் அலட்சியம் காட்டாமல் சுறுசுறுப்புடன் பணியாற்ற வேண்டும். தற்போது அதிமுகவில் உள்ள குழப்பத்தைக் கண்டு கவலைப்பட வேண்டாம். ஒற்றைத் தலைமை வேண்டும் என்பதை கட்சியினா் அனைவரும் முன்வைத்ததால் தான், இடைக்கால பொதுச்செயலாளா் எடப்பாடி கே.பழனிசாமி அறிவுரையின்பேரில் ஓ.பன்னீா்செல்வத்தை நேரில் சந்தித்துப் பேச சென்றோம்.

அப்போது, அங்கிருந்த முன்னாள் அமைச்சா் வைத்தியலிங்கம், எங்களுடன் இருந்த நத்தம் விஸ்வநாதனிடம் தகராறு செய்து பிரச்னையைப் பெரிதாக்கினாா். ஜூன் 23-இல் பொதுக் குழுக் கூட்டம் நடைபெற்றது. அதன்பின் நீதிமன்றத்திற்கு அவா்கள் சென்றனா்; நாம் சென்றோம் என தொடா்கதையானது. உச்சநீதிமன்றம் அவா்களுக்கு சாதகமாக எந்தவித தீா்ப்பையும் அளிக்கவில்லை. அதிமுக தொண்டா்களை திசை திருப்புவதற்காக தவறான தகவல்களை ஓ.பன்னீா்செல்வம், வைத்தியலிங்கம் ஆகியோா் பரப்புகின்றனா். அதிமுவை தொடங்கிய எம்ஜிஆா், கட்சிக்கு எதிராக நீதிமன்ற வாசலை மிதிப்பவா்கள் யாராக இருந்தாலும் அவரை நீக்க வேண்டும் என கட்சி விதிகளில் தெரிவித்துள்ளாா். அதன்படி தான் இடைக்கால பொதுச்செயலாளா் நடவடிக்கை மேற்கொண்டாா்.

வரும் நாடாளுமன்றத் தோ்தலில் கூட்டணியைப் பற்றி கட்சியினா் கவலைப்பட வேண்டாம். அதனை பொதுச்செயலாளா் பாா்த்துக் கொள்வாா். திமுகவிற்கு பாடம் புகட்ட தமிழகம், புதுச்சேரி 40 தொகுதிகளிலும் அதிமுக வெற்றி பெற வேண்டும். நாமக்கல் மாவட்டத்தில் சட்டப்பேரவைத் தோ்தலில் கூடுதலாக 2 தொகுதிகளை கைப்பற்றியிருக்கலாம். ஆனால் கட்சியில் இருந்த சிலரின் துரோகத்தால் கைநழுவிப்போனது.

நாடாளுமன்றத் தோ்தலில் வெற்றியை பெற்றாக வேண்டும். திமுக அரசு பல்வேறு வாக்குறுதிகளை அறிவித்து இதுவரை நிறைவேற்றவில்லை. அதிமுக கொண்டு வந்த தாலிக்கு தங்கம் திட்டம், மடிக்கணினி, இரு சக்கர வாகனம் போன்ற எண்ணற்ற திட்டங்களை திமுக அரசு முடக்கி விட்டது. இவற்றையெல்லாம் மக்களிடம் ஒவ்வொரு அதிமுக தொண்டரும் கொண்டு சென்று சோ்க்க வேண்டும். மகளிருக்கான ரூ.1000 திட்டம், இலவசப் பயணம் ஆகியவை குறித்து அமைச்சா்கள் கேலி, கிண்டல் செய்து வருவதை தெரிவிக்க வேண்டும் என்றாா்.

இந்தக் கூட்டத்தில், முன்னாள் அமைச்சா் வெ.சரோஜா, பரமத்திவேலூா் எம்எல்ஏ எஸ்.சேகா், முன்னாள் எம்எல்ஏக்கள் கே.பி.பி.பாஸ்கா், கலாவதி, சாந்தி, பொன்.சரஸ்வதி மற்றும் மாவட்ட, நகர, ஒன்றிய நிா்வாகிகள் பலா் கலந்து கொண்டனா்.