கிருஷ்ணகிரி மாவட்டத்தைச் சோ்ந்த தொழிலாளா் நல நிதி செலுத்தும் நிறுவனங்களில் பணிபுரியும் தொழிலாளா்கள், நலத்திட்ட உதவிகளைப் பெற விண்ணப்பிக்கலாம் என தொழிலாளா் உதவி ஆணையா் (அமலாக்கம்) வெங்கடாசலபதி தெரிவித்தாா்.

இதுகுறித்து அவா், வியாழக்கிழமை வெளியிட்ட செய்திக் குறிப்பு:

தமிழ்நாடு தொழிலாளா் நல வாரியத்துக்கு தொழிலாளா் நல நிதி செலுத்தும் தொழிற்சாலைகள், கடைகள், மோட்டாா் போக்குவரத்து நிறுவனங்கள், உணவு நிறுவனங்கள் மற்றும் தோட்ட நிறுவனங்கள் போன்ற அமைப்பு சாா்ந்த நிறுவனங்களில் பணிபுரியும் தொழிலாளா்கள், அவா்களை சாா்ந்தோா்களுக்கு பல்வேறு நலத்திட்டங்களைச் செயல்படுத்தி வருகிறது.

தொழிலாளா்களின் குழந்தைகளுக்கு தொடக்க கல்வி (ப்ரீ கே.ஜி) முதல் பட்ட மேற்படிப்பு முடிய கல்வி உதவித்தொகை, 10, 12-ஆம் வகுப்புகளுக்கு கல்வி ஊக்கத்தொகை, பாடநூல் உதவித்தொகை, உயா்கல்விக்கான நுழைவுத் தோ்வு உதவித்தொகை, 10, 12-ஆம் வகுப்புகளுக்கு மாதிரி வினாத்தாள் வழங்குதல், தொழிற்பயிற்சி உதவித்தொகை, 6 முதல் 12-ஆம் வகுப்பு வரை மாநில அளவில் விளையாட தகுதி பெறுவோருக்கு விளையாட்டு உதவித்தொகை, மாநில அளவில் வெற்றி பெற்றவா்களை ஊக்குவிக்கும் வகையில் முதலிடம் முதல் மூன்றாமிடம் வரை பரிசுத்தொகை வழங்குதல், தையல் இயந்திரம் வாங்குவதற்கு உதவித்தொகை, தொழிலாளிக்கு மூக்கு கண்ணாடி வாங்குவதற்கு உதவித்தொகை, இயற்கை மரணம் மற்றும் ஈமச்சடங்கு உதவித்தொகை, விபத்து மரணம் மற்றும் ஈமச்சடங்கு உதவித்தொகை, மேலும் தொழிலாளி மற்றும் அவா்களை சாா்ந்தவா்களுக்கு திருமண உதவித்தொகை ஆகிய திட்டங்கள் செயல்படுத்தப்பட்டு வருகின்றன.

இந்த நலத் திட்டங்களில் பயனடைய தொழிலாளா்களிடமிருந்து விண்ணப்பங்கள் வரவேற்கப்படுகின்றன. தொழிலாளியின் மாத ஊதிய உச்ச வரம்பு அடிப்படைச் சம்பளம் மற்றும் அகவிலைப்படி சோ்ந்து ரூ. 25 ஆயிரத்திற்குள் இருக்க வேண்டும். தொழிலாளா்களிடமிருந்து கல்வி சம்பந்தப்பட்ட விண்ணப்பங்கள் அனுப்பப்பட வேண்டிய கடைசி நாள் டிசம்பா் 31-ஆம் தேதியாகும்.

மேலும், விண்ணப்பங்களை செயலாளா், தமிழ்நாடு தொழிலாளா் நல வாரியம், தேனாம்பேட்டை, சென்னை-6 என்ற முகவரியிலோ அல்லது இணையதளத்திலோ பதிவிறக்கம் செய்து கொள்ளலாம். மேலும் தொலைபேசி எண் 044-24321542 மற்றும் செல்லிடப்பேசி எண் 89397-82783 ஆகிய எண்களில் தொடா்பு கொள்ளலாம் என அதில் அவா் தெரிவித்துள்ளாா்.