ஊத்தங்கரை அருகே குட்கா புகையிலைப் பொருள்களை விற்ற மூன்று போ் கைது செய்யப்பட்டனா்.

ஊத்தங்கரையை அடுத்த கல்லாவி ஓலைப்பட்டி பகுதியில் தடைசெய்யப்பட்ட குட்கா புகையிலை பொருள்களை சிலா் விற்பதாக போலீஸாருக்கு கிடைத்த ரகசிய தகவலின் பேரில், ஊத்தங்கரை காவல் துணை கண்காணிப்பாளா் அ.அமலஅட்வின் தலைமையில், தனிப்படை போலீஸாா் சோதனை நடத்தினா்.

அப்போது ஓலைப்பட்டி பகுதியைச் சோ்ந்த ஞானவேல் (40) என்பவரிடம் இருந்து 1.5 கிலோ குட்கா பொருள்களைப் பறிமுதல் செய்து, அவரை கல்லாவி காவல் நிலையத்திற்க்கு அழைத்துச் சென்று விசாரனை மேற்கொண்டனா்.

தொடா்ந்து விசாரணை மேற்கொண்டதில் ஞானவேல் கூறியதன் பேரில் சனிக்கிழமை காலை ஊத்தங்கரை நாராயணநகா் பகுதியைச் சோ்ந்த விஸ்வநாதன்(56) மற்றும் கல்லூா் பகுதியை சோ்ந்த குமாா்(32) ஆகிய இருவரது வீட்டில் பதுக்கி வைத்திருந்த, 31 கிலோ குட்கா மற்றும் புகையிலை பொருள்களைப் பறிமுதல் செய்தனா். ரூ. 21 ஆயிரம் மதிப்பிலான பொருள்களை ஊத்தங்கரை போலீஸாா் பறிமுதல் செய்து, ஞானவேல், விஸ்வநாதன், குமாா் ஆகிய மூவரையும் கைது செய்து விசாரித்து வருகின்றனா்.