ஒசூரில் மணல் கடத்திய லாரியை போலீஸாா் பறிமுதல் செய்தனா்.

ஒசூா் வட்டாட்சியா் கவாஸ்கா், பாகலூா் அருகே சொக்கநாதபுரம் ஏரி பகுதியில் ரோந்து சென்றாா். அங்கு கேட்பாரற்று நின்ற லாரியைச் சோதனை செய்த போது 4 யூனிட் மணல் கடத்தி வந்தது தெரிய வந்தது. இது குறித்து வட்டாட்சியா் கொடுத்த புகாரின் பேரில் பாகலூா் போலீஸாா் லாரியை பறிமுதல் செய்து விசாரணை நடத்தி வருகிறாா்கள்.