கிருஷ்ணகிரி அருகே உதயநிதி ஸ்டாலின் ரசிகா் மன்ற நிா்வாகி வீட்டில் பெட்ரோல் குண்டுகள் வீசிய சம்பத்தில் தொடா்புடையதாகக் கருதப்படும் 9 போ் கொண்ட கும்பலை போலீஸாா் தேடி வருகின்றனா்.

கிருஷ்ணகிரி அருகே உள்ள புதிய வீட்டு வசதி வாரிய குடியிருப்பு 3-ஆவது குறுக்கு தெருவில் வசித்து வருபவா் வாஞ்சி (எ)சதீஷ் (40). வட்டித் தொழில் செய்து வருகிறாா். உதயநிதி ஸ்டாலின் ரசிகா் மன்ற கிருஷ்ணகிரி மாவட்ட துணைத் தலைவராகவும் இருந்து வருகிறாா். இவரது வீட்டில், சதீஷின் மனைவி ராதா, மாமியாா் லட்சுமி, மகள் கவிஸ்ரீ உள்ளிட்டோா் இருந்தனா். இந்நிலையில் வியாழக்கிழமை இரவு 11 மணி அளவில் 7 போ் கொண்ட கும்பல், சதீஷின் வீட்டின் மீது, பெட்ரோல் குண்டுகளை வீசியது. அதினால், அச்சமடைந்த வீட்டில் இருந்த பெண்கள், அலறினா். இதையடுத்து அந்த கும்பல் அங்கிருந்து தப்பிச் சென்றது.

இது குறித்து, தகவலறிந்த கிருஷ்ணகிரி துணை காவல் கண்காணிப்பாளா் தமிழரசி மற்றும் போலீஸாா் நிகழ்விடத்துக்கு விரைந்தனா். விசாரணையில் வீட்டின் முன்பு, 10-க்கும் மேற்பட்ட மதுபுட்டிகள் சிதறிக் கிடப்பதைக் கண்டனா். மேலும், அங்கிருந்த கண்காணிப்பு கேமராவில் பதிவான காட்சிகளை ஆய்வு செய்தனா்.

அதில் 7 போ் கொண்ட கும்பல், பெட்ரோல் நிரப்பிய மது புட்டியில் தீ பற்றவைத்து, வீட்டின் மீது வீசுவது பதிவாகி இருந்தது. அந்தக் காட்சியைக் கொண்டு, பெட்ரோல் குண்டுகளை வீசிய நபா்களை அடையாளம் காணும் பணியில் போலீஸாா் ஈடுபட்டுள்ளனா்.

போலீஸாரின் முதல்கட்ட விசாரணையில், சதீஷிக்கும் சிலருக்கும் இடையே நிலவிய முன்விரோதம் காரணமாக இந்த சம்பவம் நடைபெற்றது தெரியவந்தது. போலீஸாா் தொடா்ந்து விசாரித்து வருகின்றனா்.