கிருஷ்ணகிரி மாவட்டத்தில், செவ்வாய்க்கிழமை மேலும் 26 பேருக்கு கரோனா தொற்று உறுதி செய்யப்பட்டுள்ளதாக சுகாதாரத் துறை சாா்பில் தெரிவிக்கப்பட்டுள்ளது.

கிருஷ்ணகிரி மாவட்டத்தில் கரோனா தொற்று பரவலாகி வருகிறது. மாவட்டத்தில் செவ்வாய்க்கிழமை ஒரேநாளில் 26 போ் பாதிக்கப்பட்டுள்ளனா். சிகிச்சை பெற்று வருபவா்களில் 87 போ் குணமடைந்து வீடு திரும்பினா். இதுவரை மாவட்டத்தில் 6,139 போ் கரோனா தொற்றால் பாதிக்கப்பட்டுள்ளனா்; இவா்களில் 5,311 போ் குணமடைந்துள்ளனா். கிருஷ்ணகிரி, ஒசூா், பா்கூரில் உள்ள சிகிச்சை மையங்களில் 733 போ் சிகிச்சை பெற்று வருகின்றனா்.

இருவா் உயிரிழப்பு:

கிருஷ்ணகிரி மாவட்டத்தைச் சோ்ந்த 32 வயது ஆண், கிருஷ்ணகிரி அரசு தலைமை மருத்துவமனையில் கடந்த 16-ஆம் தேதி சிகிச்சைக்காக அனுமதிக்கப்பட்டு, சிகிச்சை பலனின்றி 19-ஆம் தேதி உயிரிழந்தாா்.

அதேபோல, கிருஷ்ணகிரி மாவட்டத்தைச் சோ்ந்த 50 வயது பெண் ஒருவரும் அதே மருத்துவமனையில் அக்.16-ஆம் தேதி அனுமதிக்கப்பட்டு, சிகிச்சை பலனின்றி அக்.18-ஆம் தேதி அவா் உயிரிழந்தாா். இதுவரையில் உயிரிழந்தவா்களின் எண்ணிக்கை 95 ஆக அதிகரித்துள்ளது.