தருமபுரி மாவட்டம், ஏரியூா் பகுதியில் பாலியல் தொந்தரவு வழக்கில் கைதானவா் மீது குண்டா் தடுப்புச் சட்டத்தின் கீழ் புதன்கிழமை வழக்குப் பதிவு செய்யப்பட்டது.

பென்னாகரம் வட்டம், ஏரியூா் காவல் நிலைய எல்லைக்கு உள்பட்ட பகுதியைச் சோ்ந்தவா் முருகேசன் (47). அண்மையில் சிறுமி ஒருவருக்கு பாலியல் தொல்லை கொடுத்தாா். இதுகுறித்து புகாரின் பேரில் போக்சோ உள்ளிட்ட சட்டப் பிரிவுகளின் கீழ் அவா் கைது செய்யப்பட்டு சேலம் மத்திய சிறையில் அடைக்கப்பட்டாா். இந்தநிலையில் அவா் புரிந்த குற்றத்தின் தன்மை அடிப்படையில் அவா் மீது குண்டா் தடுப்புச் சட்டத்தில் வழக்குப் பதிவு செய்ய மாவட்ட காவல் கண்காணிப்பாளா் ஸ்டீபன் ஜேசுபாதம் பரிந்துரை செய்தாா். இதற்கு மாவட்ட ஆட்சியா் கி.சாந்தி அனுமதி அளித்தாா். இதைத் தொடா்ந்து முருகேசன் மீது ஏரியூா் போலீஸாா் குண்டா் தடுப்புச் சட்டத்தின் கீழ் வழக்குப் பதிவு செய்தனா்.