தருமபுரி நகராட்சியில் வளா்ச்சித் திட்டப் பணிகளில் பாரபட்சம் காட்டுவதாகக் கூறி, அதிமுக நகா்மன்ற உறுப்பினா்கள் செவ்வாய்க்கிழமை தா்னா போராட்டத்தில் ஈடுபட்டனா்.

தருமபுரி நகா்மன்றக் கூட்டம் தலைவா் லட்சுமி மாது தலைமையில் செவ்வாய்க்கிழமை அண்ணா கூட்ட அரங்கில் நடைபெற்றது. ஆணையா் சித்ரா சுகுமாா், துணைத் தலைவா் அ.நித்யா ஆகியோா் முன்னிலை வகித்தனா்.

இந்தக் கூட்டம் தொடங்கியதும், சாலைப் பணிகள், குடிநீா்க் குழாய் அமைக்கும் பணிகள், கழிவுநீா்க் கால்வாய் அமைக்கும் பணிகள், சாலை மேம்பாட்டுப் பணிகள் மேற்கொள்வதற்காக ஒப்பந்தம் விடுவது தொடா்பாக உறுப்பினா்களின் ஒப்புதல் கோரி தீா்மானங்கள் வாசிக்கப்பட்டன.

அப்போது, 6-ஆவது வாா்டு அதிமுக உறுப்பினா் முன்னா மற்றும் அதிமுக உறுப்பினா்கள், தருமபுரி நகராட்சியில் அதிமுக உறுப்பினா்களின் வாா்டுகளில் வளா்ச்சித் திட்டப் பணிகள் மேற்கொள்வதில் பாரபட்சம் காட்டப்படுவதாகவும், குப்பைகளை அகற்ற பொக்லைன் இயந்திரம் கோரி பல நாள்களாகியும் அனுப்புவதில்லை எனவும் குற்றச்சாட்டுத் தெரிவித்து பேசினா்.

அதிமுக உறுப்பினா்களின் கேள்விகளுக்கு நகா்மன்றத் தலைவா் லட்சுமி மாது, ஆணையா் சித்ரா சுகுமாா் ஆகியோா் பதிலளிக்க முற்பட்டனா். இருப்பினும், அவா்களைப் பேசவிடாமல் அதிமுக உறுப்பினா்கள் தொடா்ந்து பேசினா். இதனால், நகா்மன்றக் கூட்டத்தில் சிறிது நேரம் கூச்சல், குழப்பம் ஏற்பட்டது. அப்போது திமுக நகா்மன்ற உறுப்பினா்கள் எழுந்து, கூட்டத்தில் கொண்டுவரப்பட்ட 55 தீா்மானங்களுக்கும் ஒப்புதல் வழங்குவதாகவும், அனைத்து தீா்மானங்களையும் நிறைவேற்றலாம் எனக் கூறிவிட்டு கூட்டரங்கிலிருந்து வெளியேறினா். இதனைத் தொடா்ந்து, அனைத்து தீா்மானங்களும் நிறைவேற்றப்பட்டதாகக் கூறி, நகா்மன்றத் தலைவா், ஆணையா் ஆகியோா் கூட்டரங்கில் இருந்து வெளியேறினா்.

அதிமுகவினா் தா்னா: தங்களது கேள்விகளுக்கு பதிலளிக்காமல் நகா்மன்றத் தலைவா், ஆணையா் ஆகியோா் வெளியேறுவதாகக் கூறி, அதிமுக உறுப்பினா்கள் 13 பேரும் கூட்டரங்கில் தரையில் அமா்ந்து தா்னாவில் ஈடுபட்டனா். அப்போது, கூட்டத்தில் கொண்டுவரப்படும் பல்வேறு தீா்மானங்களுக்கு ஏற்கெனவே அவசர, அவசியம் கருதி, தலைவா் அனுமதி வழங்கியதாகக் கூறி, மன்ற உறுப்பினா்கள் அனுமதிக்கலாம் என வாசிக்கப்படுகிறது. வளா்ச்சிப் பணிகளுக்கு ஒப்பந்தம் விடுவது குறித்து முறையாக நகா்மன்ற உறுப்பினா்களுக்கு தகவல் அளிப்பதில்லை. நகராட்சி தகவல் பலகையில் அறிவிக்கையும் ஒட்டப்படுவதில்லை. அதிமுக நகா்மன்ற உறுப்பினா்களின் வாா்டுகளில் வளா்ச்சிப் பணிகள் மேற்கொள்ளப்படாமல் பாரபட்சம் காட்டப்படுகிறது. இது தொடா்பாக தருமபுரி மாவட்ட நிா்வாகம் உரிய விசாரணை மேற்கொண்டு நடவடிக்கை எடுக்க வேண்டும் என அவா்கள் வலியுறுத்தினா்.

பாகுபாடின்றி பணிகள்: தருமபுரி நகராட்சியில் பாகுபாடின்றி பணிகள் மேற்கொள்ளப்படுவதாக நகா்மன்றத் தலைவா் லட்சுமி மாது கூறினாா். இதுகுறித்து, அவா் செய்தியாளா்களிடம் கூறியதாவது:

தருமபுரி நகராட்சியில் 33 வாா்டுகள் உள்ளன. இதில், அதிமுகவினா் உறுப்பினா்களாக உள்ள 13 வாா்டுகளிலும் பாகுபாடின்றி வளா்ச்சித் திட்டப் பணிகள் மேற்கொள்ளப்படுகின்றன. குறிப்பாக அதிமுகவினா் உறுப்பினா்களாக உள்ள 3, 4, 5, 6, 7, 31, 19 ஆகிய வாா்டுகளில் பல்வேறு பணிகள் மேற்கொள்ளப்பட்டுள்ளன. வளா்ச்சித் திட்டப் பணிகளை பொருத்தவரையில், நிதி ஆதாரத்தின் அடிப்படையில் 33 வாா்டுகளிலும் பாகுபாடின்றி மேற்கொள்ளப்படுகிறது என்றாா்.

இதற்கிடையில், நகராட்சி கூட்டஅரங்கிலிருந்து வெளியேறிய அதிமுக உறுப்பினா்கள், நகராட்சி அலுவலக நுழைவாயில் அருகே முழக்கங்களை எழுப்பினா். அப்போது, அங்கிருந்து திமுக உறுப்பினா்கள் அவா்களிடம் வாக்குவாதத்தில் ஈடுபட்டனா். இதையறிந்த, தருமபுரி நகர போலீஸாா், நகராட்சி வளாகத்துக்கு விரைந்து வந்தனா். காவல்துறையினா் வருகைக்கு அதிமுக உறுப்பினா்கள் எதிா்ப்பு தெரிவித்தனா். இதையடுத்து அங்கிருந்து காவல்துறையினா் திரும்பிச் சென்றனா். அதன்பிறகு அதிமுக நகா்மன்ற உறுப்பினா்களும் நகராட்சி வளாகத்திலிருந்து புறப்பட்டுச் சென்றனா்.