தருமபுரி நகரில் சாலையோர கோயிலை வியாழக்கிழமை அகற்ற முயன்ற நகராட்சி நிா்வாகத்துக்கு அப்பகுதி பொதுமக்கள் எதிா்ப்பு தெரிவித்தனா்.

தருமபுரி நகரில் நரசய்யா் குளம் அருகே சாலையோரம் அப்பகுதி பொதுமக்கள் அண்மையில் சிறிய அளவிலான அம்மன் கோயில் கட்டி வழிபட்டு வந்தனா்.

இந்த நிலையில், தருமபுரி நகராட்சி நிா்வாகம் சாா்பில் கோயில் அனுமதியின்றி கட்டப்பட்டுள்ளதாகக் கூறி, அதனை அகற்ற பொக்லைன் இயந்திரத்தை அங்கு கொண்டு வந்தனா்.

இதையறிந்த அப்பகுதி பொதுமக்கள் கோயிலை அகற்ற எதிா்ப்பு தெரிவித்து அங்கு திரண்டனா்.

இதுகுறித்து தகவல் அறிந்த தருமபுரி நகர போலீஸாா் நிகழ்விடத்துக்கு வந்து சமாதான பேச்சு நடத்தினா்.

இதையடுத்து பொக்லைன் இயந்திரம் மற்றும் நகராட்சி ஊழியா்கள் திருப்பி அனுப்பப்பட்டனா்.

இதேபோல கோயிலை அகற்றும் நடவடிக்கையை கைவிடக் கோரி மாவட்ட ஆட்சியா் மற்றும் நகராட்சி நிா்வாகத்திடம் அப்பகுதி பொதுமக்கள் மனு அளித்தனா்.