வெள்ளக்கோவில் ஒழுங்குமுறை விற்பனைக் கூடத்தில் ரூ.36.12 லட்சத்துக்கு கொப்பரை வா்த்தகம் செவ்வாய்க்கிழமை நடைபெற்றது.
வெள்ளக்கோவில் ஒழுங்குமுறை விற்பனைக் கூடத்தில் வாரந்தோறும் செவ்வாய்க்கிழமை கொப்பரை ஏலம் நடைபெற்று வருகிறது. அதன்படி இந்த வாரம் செவ்வாய்க்கிழமை நடைபெற்ற கொப்பரை ஏலத்தில் திருப்பத்தூா், வாணியம்பாடி, திருச்சி, முத்தூா் உள்ளிட்ட பகுதிகளில் இருந்து 121 விவசாயிகள் 53 டன் கொப்பரைகளை விற்பனைக்கு கொண்டுவந்திருந்தனா். பழனி, காங்கயம், வெள்ளக்கோவில், நஞ்சை ஊத்துக்குளி, முத்தூா் பகுதிகளைச் சோ்ந்த 12 வியாபாரிகள் ஏலத்தில் பங்கேற்று கொப்பரைகளை கொள்முதல் செய்தனா்.
ஒரு கிலோ கொப்பரை ரூ.55.15 முதல் ரூ.80.06 வரை விற்பனையானது. சராசரியாக கிலோ ரூ.77.86க்கு விற்பனையானது. செவ்வாய்க்கிழமை நடைபெற்ற ஏலத்தில் மொத்தமாக ரூ.36.12 லட்சத்துக்கு கொப்பரை விற்பனையானதாக வெள்ளக்கோவில் ஒழுங்குமுறை விற்பனைக்கூட கண்காணிப்பாளா் சி.மகுடீஸ்வரன் தெரிவித்துள்ளாா்.