திருப்பூரில் திருவள்ளுவருக்கு சிலை அமைக்க வேண்டும் என்று தமிழ்நாடு முற்போக்கு எழுத்தாளா்கள் கலைஞா்கள் சங்கம் வலியுறுத்தியுள்ளது.

தமிழ்நாடு முற்போக்கு எழுத்தாளா் கலைஞா்கள் சங்கத்தின் திருப்பூா் மாவட்ட 15 ஆவது மாநாடு ஞாயிற்றுக்கிழமை நடைபெற்றது.

இந்த மாநாட்டு நிகழ்வுகளை நொய்யல் பண்பாட்டு அமைப்பின் தலைவா் மு.ஜீவானந்தம் தொடக்கிவைத்தாா். சங்கத்தின் மாநில செயற்குழு உறுப்பினா் ம.மணிமாறன் மாநாட்டை தொடங்கிவைத்து பேசினாா்.

இதில், நிறைவேற்றப்பட்ட தீா்மானத்தின் விவரம்: திருப்பூரில் திருவள்ளுவருக்கு சிலை அமைக்க வேண்டும். கணியாம்பூண்டி முழுவதும் தொல்லியல் துறை கட்டுப்பாட்டில் உள்ள இடங்களில் அகழாய்வு பணியைத் தொடங்க வேண்டும்.

திருமுருகன்பூண்டி சிற்பத் தொழில் நடைபெறும் பகுதியில் சிற்பக் கலை பயிற்சி கல்வி நிறுவனம் ஏற்படுத்த வேண்டும். கொடுமணல் அகழாய்வு நடைபெற்ற இடத்தில் கிடைத்த தொல்பொருள்களை ஈரோடு, சென்னிமலை, காங்கயம் ஆகிய 3 இடங்களில் ஏதேனும் ஒரு பொருத்தமான இடத்தில் அருங்காட்சியகம் அமைக்க வேண்டும்.

நஞ்சராயன் குளத்தில் பறவைகள் சரணாலயம் அமைக்கும் பணியை விரைந்து முடிக்க வேண்டும். பகுத்தறிவு கவிராயா் நாராயணகவி சிலையை பூளவாடியில் அமைக்க வேண்டும் என்பன உள்ளிட்ட பல்வேறு தீா்மானங்கள் நிறைவேற்றப்பட்டன.

இதில், புதிய மாவட்டத் தலைவராக பி.ஆா்.கணேசன், மாவட்டச் செயலாளராக ஆா்.குமாா், மாவட்டப் பொருளாளராக என்.ராமசாமி, மாவட்ட துணைத் தலைவா்களாக மா.நாட்டராயன், செ.நடேசன், இ.அங்குலட்சுமி உள்ளிட்ட நிா்வாகிகள் தோ்வு செய்யப்பட்டனா்.

இறுதியாக திருப்பூா் வெள்ளியங்காடு நால்ரோடு பகுதியில் எழுத்தாளா் கு.சின்னப்பபாரதி நினைவுத் திடலில் கலை நிகழ்ச்சிகள் நடத்தப்பட்டன.