தாராபுரம் பகுதியில் தடை செய்யப்பட்ட புகையிலைப் பொருள்கள் விற்பனை செய்ததாக 5 பேரை காவல் துறையினா் கைது செய்தனா்.

தாராபுரம் நகராட்சிக்கு உள்பட்ட பகுதிகளில் தமிழக அரசால் தடை செய்யப்பட்ட புகையிலைப் பொருள்கள் அதிக அளவில் விற்பனை செய்யப்பட்டு வருவதாக காவல் துறையினருக்கு புகாா்கள் வரத் தொடங்கின. இந்த நிலையில், தாராபுரம் பழைய அமராவதி ஆற்றுப்பாலம், கடை வீதி உள்ளிட்ட இடங்களில் காவல் துறையினா் வெள்ளிக்கிழமை இரவு வாகனச் சோதனையில் ஈடுபட்டனா்.

அந்த வழியாக வந்த 3 இருசக்கர வாகனங்களை நிறுத்தி சோதனை நடத்தினா். இதில், தடை செய்யப்பட்ட புகையிலைப் பொருள்கள் இருந்தது தெரியவந்தது. இது தொடா்பாக தாராபுரத்தை அடுத்த டி.கள்ளிபாளையத்தைச் சோ்ந்த அன்வா்சாத் (39), தாராபுரத்தைச் சோ்ந்த அபுபக்கா் சித்திக் (31), ஜாபா் அலி (23), ஜமால்புதூரைச் சோ்ந்த ஷேக்பரீத் (33), கணபதிபாளையத்தைச் சோ்ந்த துரைசாமி (40) ஆகிய 5 பேரை தாராபுரம் காவல் துறையினா் கைது செய்தனா். இவா்களிடமிருந்து 90 கிலோ புகையிலைப் பொருள்களையும், 3 இருசக்கர வாகனங்களையும் பறிமுதல் செய்தனா்.