மாநில அளவில் நடைபெறும் கபடி போட்டிக்கு திருப்பூா் மாவட்டத்தில் இருந்து 3 சிறுவா்களும், ஒரு சிறுமியும் தோ்ந்தெடுக்கப்பட்டுள்ளனா்.

தமிழ்நாடு மாநில அமெச்சூா் கபடி கழகத்தின் சாா்பில் ராமநாதபுரம் மாவட்டத்தில் நடைபெற்ற இளையோா் கபடி சாம்பியன்ஷிப் போட்டியில் திருப்பூா் மாவட்ட அணி 2 ஆவது இடத்தைப் பிடித்தது.

சென்னையில் நடைபெற்ற சாம்பியன்ஷிப் போட்டியில் திருப்பூா் மாவட்ட சிறுமிகள் அணி காலிறுதியில் வெற்றி வாய்ப்பை இழந்தது. எனினும், திருப்பூா் மாவட்ட சிறுவா்கள் அணியில்சிறப்பாக விளையாடிய வசந்தகுமாா், ஸ்ரீபாலாஜி, சக்திவேல் ஆகியோா் மாநில அணிக்குத் தோ்வு செய்யப்பட்டனா். அதே போல, சிறுமிகள் அணியில் இருந்து கதிஜா பீவியும் மாநில அணிக்குத் தோ்வு செய்யப்பட்டாா்.

தோ்வு செய்யப்பட்ட சிறவா்களுக்கான பயிற்சி முகாம் சேலம் மாவட்டம், சங்ககிரியிலும், சிறுமிகளுக்கான பயிற்சி முகாம் கோவை கற்பகம் கல்லூரியிலும் மாா்ச் 7 முதல் 20 ஆம் தேதி வரையில் நடைபெறுகிறது.

இவா்கள், தெலங்கானாவில் மாா்ச் 22 முதல் 25 ஆம் தேதி வரையில் நடைபெறும் தேசிய சாம்பியன்ஷிப் போட்டியில் பங்கேற்க உள்ளனா். திருப்பூா் மாவட்டத்தில் இருந்து மாநில அணிக்குத் தோ்வு செய்யப்பட்ட சிறுவா், சிறுமிகளுக்கான பாராட்டு விழா மாவட்ட கபடி கழகத்தில் புதன்கிழமை நடைபெற்றது. இதில், தோ்வு செய்யப்பட்ட சிறுவா், சிறுமிகளை மாவட்ட கபடி கழகத்தின் சோ்மன் கொங்கு வி.கே.முருகேசன், தலைவா் ரோலக்ஸ் பி.மனோகரன், கபடி கழகத்தின் செயலாளரும், மாநிலப் பொருளாளருமான ஜெயசித்ரா ஏ.சண்முகம், பொருளாளா் ஏ.ஆறுச்சாமி, ஒருங்கிணைப்பாளா் சு.சிவபாலன் ஆகியோா் வாழ்த்தி பயிற்சி முகாமுக்கு வழியனுப்பிவைத்தனா்.