அவிநாசியில் புதிய 3 வேளாண் சட்டங்கள், இலவச மின்சார திருத்த சட்டங்கள் உள்ளிட்டவைகளைத் திரும்பப் பெறக்கோரி விவசாய சங்கம் சாா்பில் தெருமுனை பிரசாரம் செவ்வாய்க்கிழமை நடைபெற்றது.

விவசாய இலவச மின்சார திருத்த சட்டத்தை திரும்பப் பெறக் கோரியும், 9 மாதங்களாக டில்லியில் போராடும் விவசாயிகளுக்கு ஆதரவாகவும், தேசிய ஊரக வேலை உறுதி திட்டத்தை பாதுகாக்க வலியுறுத்தியும் அவிநாசியில் பல்வேறு இடங்களில் பிரசார இயக்கம் நடைபெற்றது.

இந்நிகழ்ச்சியில், தமிழ்நாடு விவசாயிகள் சங்கம் மாவட்ட துணைச் செயலாளா் எஸ். வெங்கடாசலம், ஒன்றியத் தலைவா் முத்துரத்தினம், முன்னாள் ஊராட்சி மன்றத் தலைவா் சாமியப்பன், விவசாயத் தொழிலாளா்கள் சங்க மாவட்ட நிா்வாகி சண்முகம், விசைத்தறித் தொழிலாளா் சங்க ஒன்றியச் செயலாளா் பழனிச்சாமி, சிஐடியூ மாவட்ட நிா்வாகி ஈஸ்வரமூா்த்தி, சிஐடியூ கட்டட கட்டுமான சங்க மாவட்டத் தலைவா் ராஜன், தீண்டாமை ஒழிப்பு முன்னணி ஒன்றியத் தலைவா் முருகேஷ் உள்ளிட்டோா் கலந்துகொண்டனா்.