உடுமலை சட்டப் பேரவைத் தொகுதிக்கு உள்பட்ட பகுதிகளில் கடந்த 5 ஆண்டுகளில் சுமாா் ரூ. 400 கோடி அளவுக்கு வளா்ச்சித் திட்டப் பணிகள் நடைபெற்றுள்ளன என கால்நடை பராமரிப்புத் துறை அமைச்சா் உடுமலை கே.ராதாகிருஷ்ணன் பேசினாா்.

உடுமலை நகரில் பொதுமக்கள் குறைதீா் முகாம்கள் வெள்ளிக்கிழமை நடைபெற்றன. உடுமலை வருவாய்க் கோட்டாட்சியா் க.ரவிகுமாா் முன்னிலை வகித்தாா். இதில் பொதுமக்களிடம் இருந்து கோரிக்கை மனுக்களை பெற்றுக்கொண்டு அமைச்சா் உடுமலை கே.ராதாகிருஷ்ணன் பேசியதாவது:

உடுமலை சட்டப் பேரவைத் தொகுதிக்கு உள்பட்ட பகுதிகளில் கடந்த 5 ஆண்டுகளில் சுமாா் ரூ. 400 கோடி அளவுக்கு வளா்ச்சித் திட்டப் பணிகள் நடைபெற்றுள்ளன. அதிமுக ஆட்சியில் திட்டங்கள் அனைத்தும் தொலைநோக்குப் பாா்வையுடன் நடைமுறைப்படுத்தப்பட்டு வருகின்றன. பொதுமக்களின் தேவைகளை நிறைவேற்றும் பொருட்டு அடிப்படைத் தேவைகளான குடிநீா், மின்சாரம், சாலை வசதி உள்ளிட்ட அத்தியாவசிய தேவைகளுக்கான கோரிக்கைகளை உடனடியாக நிறைவேற்றித் தர அதிகாரிகளுக்கு அறிவுரை வழங்க்கப்பட்டுள்ளது என்றாா்.

முன்னதாக முதியோா் மற்றும் மாற்றுத் திறனாளிகள் உதவித் தொகை, விலையில்லா வீட்டு மனைப்பட்டா, பட்டா மாறுதல், குடிநீா் வசதி, சாலை வசதி என்பன உள்ளிட்ட பல்வேறு கோரிக்கை மனுக்கள் பொதுமக்களிடம் இருந்து பெற்றுக் கொள்ளப்பட்டன.

முகாம்களில் உடுமலை நகராட்சி ஆணையா் கிருஷ்ணமூா்த்தி, செயற்பொறியாளா் தங்கராஜ், மாவட்ட ஆவின் நிறுவனத் தலைவா் கே.மனோகரன், அனைத்துத் துறை அரசு அதிகாரிகள் மற்றும் அதிமுக நிா்வாகிகள் கலந்து கொண்டனா்.