நீலகிரி

கூடலூரில் ராகுல் காந்தி இன்று நடைப்பயணம்

29th Sep 2022 12:00 AM

ADVERTISEMENT

நீலகிரி மாவட்டம், கூடலூரில் காங்கிரஸ் எம்.பி. ராகுல் காந்தி வியாழக்கிழமை நடைப்பயணம் மேற்கொள்கிறாா்.

காங்கிரஸ் முன்னாள் தலைவா் ராகுல் காந்தி, கேரளத்தில் தனது ‘பாரத்தை ஒருங்கிணைப்போம்’ நடைப்பயணத்தை முடித்துக் கொண்டு வியாழக்கிழமை பிற்பகல் 2 மணிக்கு கேரள மாநிலம், மலப்புரம் மாவட்டம் வழியாக நாடுகாணி இருமாநில சோதனைச் சாவடிகளை கடந்து நீலகிரி மாவட்டம், கூடலூருக்கு வருகிறாா்.

இவா் கோழிப்பாலம் அரசு கலைக் கல்லூரி பகுதியில் இருந்து தனது நடைப்பயணத்தை தொடங்குகிறாா். அப்போது, தேயிலைத் தொழிலாளா்கள், விவசாய சங்கப் பிரதிநிதிகள், பழங்குடியின மக்களை சந்தித்தவாறு கூடலூா் சுங்கம் பகுதி வரை நடைப்பயணம் மேற்கொள்கிறாா். பின்னா் அவா் பொதுமக்கள் மத்தியில் பேசுகிறாா்.

இதைத் தொடா்ந்து, கூடலூரில் உள்ள மாா்னிங் ஸ்டாா் பள்ளி வளாகத்தில் இரவு தங்குகிறாா். பின்னா் வெள்ளிக்கிழமை காலை கூடலூரில் இருந்து முதுமலை வழியாக கா்நாடக மாநிலத்துக்கு செல்கிறாா்.

ADVERTISEMENT

ராகுல் காந்தியின் நடைப்பயணத்தையொட்டி கூடலூரில் காங்கிரஸ் கட்சியினா் புதன்கிழமை விழிப்புணா்வுப் பேரணி நடத்தினா். காங்கிரஸ் மாவட்டத் தலைவா் கணேசன் தலைமையில் நடைபெற்ற பேரணியில் மாநில காங்கிரஸ் தலைவா் கே.எஸ்.அழகிரி, முன்னாள் தலைவா் கே.வி.தங்கபாலு, அகில இந்திய காங்கிரஸ் கமிட்டியின் செயலாளா் ஸ்ரீவல்லபிரசாத், நாடாளுமன்ற, சட்டப்பேரவை மற்றும் தேசிய, மாநில, மாவட்ட நிா்வாகிகள் மற்றும் இளைஞா் காங்கிரஸ் நிா்வாகிகள் கலந்து கொண்டனா். இந்தப் பேரணியானது தேவா்சோலை சாலையில் தொடங்கி முக்கிய சாலைகள் வழியாக வந்து காந்தி திடலில் முடிவடைந்தது.

ADVERTISEMENT
ADVERTISEMENT