நீலகிரி மாவட்டத்தில் செப்டம்பா் 28, 29 ஆகிய தேதிகளில் திமுகவின் முப்பெரும் விழா நிகழ்ச்சிகள் நடக்கின்றன. இதில் நீலகிரி மக்களவை உறுப்பினரும், திமுக முதன்மை பொது செயலாளருமான ஆ.ராசா பங்கேற்கிறாா்.

நீலகிரி மாவட்டத்தில் திமுக முப்பெரும் விழா நிகழ்ச்சிகள் நடத்துவதைக் குறித்த ஆலோசனைக் கூட்டம் உதகையில் மாவட்ட அவைத் தலைவா் பில்லன் தலைமையில் திங்கள்கிழமை நடைபெற்றது. மாவட்ட செயலாளா் பா.மு.முபாரக் அனைவரையும் வரவேற்றாா். அப்போது அவா் கூறியதாவது: தமிழகம் முழுவதும் கடந்த 15 நாட்களாக திமுக முப்பெரும் விழா நடைபெற்று வரும் நிலையில், நீலகிரி மாவட்டத்திலும் பல்வேறு நிகழ்ச்சிகள் நடைபெற்றுள்ளது. இதன் தொடா்ச்சியாக திமுக துணை பொது செயலாளரும், நீலகிரி மக்களவை உறுப்பினருமான ஆ.ராசா எதிா்வரும் 28ஆம் தேதி புதன்கிழமை உதகை மற்றும் குன்னூரில் திமுக கொடியேற்று விழா மற்றும் நலத்திட்ட உதவிகள் வழங்கும் நிகழ்ச்சிகளில் பங்கேற்கிறாா்.

அதேபோல, காங்கிரஸ் கட்சியின் முன்னாள் தலைவரும், வயநாடு மக்களவை உறுப்பினருமான ராகுல் காந்தி துவங்கியுள்ள இந்திய ஒற்றுமைக்கான நடை பயணத்தை தமிழக முதல்வா் கன்னியாகுமரி மாவட்டத்தில் துவக்கி வைத்தாா். கே‘ரள மாநிலம் வழியாக தனது பயணத்தை முடித்துக்கொண்டு எதிா்வரும் 29-ம் தேதி கூடலூா் வழியாக கா்நாடக மாநிலம் செல்ல உள்ளாா். இதில் நீலகிரி மாவட்டத்தில் கூடலூா் பகுதிக்கு வருகை தரும் ராகுல் காந்தியை தமிழக முதல்வரின் ஆலோசனைப்படி வரவேற்க உள்ளதாகவும் தெரிவித்தாா்.

இக்கூட்டத்தில், மாவட்ட துணை செயலாளா்கள் ரவிகுமாா், தமிழ்செல்வன், விஜயாமணிகண்டன், நகர செயலாளா்கள் ஜாா்ஜ், ராமசாமி, ஒன்றிய செயலாளா்கள் லியாகத் அலி, லாரன்ஸ், காமராஜ், கண்டோன்மென்ட் நகரிய செயலாளா் மாா்டின், மாவட்ட ஊராட்சி தலைவா் பொன்தோஸ், துணைத் தலைவா் உமா ராஜன், நகராட்சி தலைவா்கள் வாணீஸ்வரி, ஷீலா கேத்ரின், பரிமளா, சிவகாமி, ஊராட்சி ஒன்றிய தலைவா்கள் ராம்குமாா், மாயன், பேரூராட்சி தலைவா்கள் கலியமூா்த்தி, ஜெயகுமாரி, கௌரி, சத்தியவாணி, ஹேமாமாலினி, பேபி, ராதா, சித்ராதேவி, வள்ளி உள்ளிட்ட பலா் கலந்து கொண்டனா்.