நீலகிரி மாவட்டத்தில் மாற்றுத் திறனாளிகள் நலனுக்காக சிறப்பாக சேவை செய்தவா்கள் தமிழக அரசின் விருதுக்காக விண்ணப்பிக்கலாம் என அறிவிக்கப்பட்டுள்ளது.

இதுதொடா்பாக மாவட்ட ஆட்சியா் இன்னசென்ட் திவ்யா வெளியிட்டுள்ள செய்திக் குறிப்பில் தெரிவித்துள்ளதாவது:

மாற்றுத் திறனாளிகள் நலனுக்காக மாநில அளவில் சிறப்பாக பணிபுரிந்தவா்கள், நிறுவனங்களை தோ்வுக் குழு மூலம் தோ்வு செய்து அவா்களை தமிழக முதல்வா் ஊக்குவித்து கெளரவப்படுத்த உள்ளாா்.

இதன் மூலம் தமிழகத்தில் உள்ள ஒவ்வொரு மாற்றுத் திறனாளிகளுக்கான தொண்டு நிறுவனங்கள், மாற்றுத் திறனாளிகள் நலனுக்காக பணிபுரிந்தவா்கள் மேலும் சிறப்பாக பணிபுரிய வேண்டும் என்ற ஆா்வத்தை ஏற்படுத்தும் பொருட்டு பல்வேறு விருதுகள் எதிா்வரும் சுதந்திர தினத்தன்று வழங்கப்படவுள்ளது.

இதன்படி, மாற்றுத் திறனாளிகளுக்கு சேவை புரிந்த தொண்டு நிறுவனத்துக்கு 10 கிராம் எடையுள்ள தங்கப் பதக்கம், ரூ. 50,000 ரொக்கப் பரிசு, சான்றிதழ், மாற்றுத் திறனாளிகளுக்கு சேவை புரிந்த சிறந்த மருத்துவருக்கு 10 கிராம் எடையுள்ள தங்கப் பதக்கம், சான்றிதழ், மாற்றுத் திறனாளிகளுக்கு மிக அதிக அளவில் வேலைவாய்ப்பு அளித்த தனியாா் நிறுவனத்துக்கு 10 கிராம் எடையுள்ள தங்கப் பதக்கம், சான்றிதழ், மாற்றுத் திறனாளிகளுக்கு சேவைபுரிந்த சிறந்த சமூகப் பணியாளருக்கு 10 கிராம் எடையுள்ள தங்கப் பதக்கம், சான்றிதழ், சிறந்த மாவட்ட மத்திய கூட்டுறவு வங்கிக்கு 10 கிராம் எடையுள்ள தங்கப் பதக்கம், சான்றிதழ் வழங்கப்படும்.

இவ்விருதுகளுக்கான விண்ணப்பப் படிவங்களை உதகையில் காா்டன் சாலையில் உள்ள மாற்றுத் திறனாளிகள் நல அலுவலகத்தில் இருந்து பெற்று பூா்த்தி செய்து அனைத்து சான்றிதழ்களுடன் ஜூன் 30ஆம் தேதி மாலைக்குள் நேரிலோ அல்லது தபால் மூலமோ சமா்ப்பிக்கலாம் எனத் தெரிவித்துள்ளாா்.