சிங்காரா வனக் கோட்டத்தில் புலியின் சடலத்தின் அருகிலிருந்து மீட்கப்பட்ட 2 ஆண் புலிக்குட்டிகள் வண்டலூர் கொண்டு செல்லப்பட்டன.
முதுமலை புலிகள் காப்பகத்தில் ஆச்சக்கரை வனப்பகுதியில் சீமார்குழி என்ற இடத்தில் இறந்த பெண் புலியின் சடலத்தின் அருகிலிருந்து மீட்கப்பட்ட பிறந்து மூன்று வார வயதான இரண்டு ஆண் புலிக்குட்டிகளும் தெப்பக்காடு யானைகள் முகாமில் கடந்த இரண்டு நாள்களாக பாதுகாப்பாக வைக்கப்பட்டிருந்தன.
இதற்கிடையே தேசிய புலிகள் ஆணைய உயர் அலுவலர்கள் மற்றும் வண்டலூர் உயிரியல் பூங்கா அலுவலர்கள் மற்றும் கால்நடை மருத்துவர்கள் இடையே நடைபெற்ற ஆலோசனைக் கூட்டத்தில் இரண்டு புலிகள் குட்டிகளையும் வண்டலூர் உயிரியல் பூங்கா கொண்டு செல்ல தீர்மானிக்கப்பட்டது.
இதையடுத்து இரண்டு புலிக்குட்டிகளும் இன்று காலை வண்டலூருக்கு கொண்டு செல்லப்பட்டன.