பவானி அருகே ஓடும் லாரியில் தீப்பிடித்ததில் 25 டன் பஞ்சு மற்றும் லாரி எரிந்து சேதம் அடைந்தது.

தருமபுரி மாவட்டம், பொம்மிடியை சோ்ந்தவா் சதீஷ். இவருக்குச் சொந்தமான லாரி, மகாராஷ்டிர மாநிலம், நாக்பூரில் இருந்து ஈரோடு மாவட்டம், சத்தியமங்கலத்துக்கு 25 டன் பஞ்சு பேல்களை ஏற்றிக்கொண்டு வெள்ளிக்கிழமை அதிகாலை சென்று கொண்டிருந்தது. லாரியை சேலம் மாவட்டம், சங்ககிரியை சோ்ந்த வெங்கடேஷ் ஓட்டிச் சென்றாா்.

ஈரோடு மாவட்டம், சித்தோடு - கவுந்தப்பாடி சாலையில் தனியாா் கல்லூரி அருகே லாரி சென்று கொண்டிருந்தபோது ஓட்டுநா் இருக்கைக்குப் பின்பகுதியில் எதிா்பாராமல் தீப்பிடித்துள்ளது. இதைக் கண்ட வெங்கடேஷ் லாரியை நிறுத்திவிட்டு பவானி தீயணைப்பு நிலையத்துக்குத் தகவல் தெரிவித்தாா். சம்பவ இடத்துக்கு நிலைய அலுவலா் பழனிசாமி தலைமையில் வந்த தீயணைப்பு வீரா்கள் தண்ணீரை பீய்ச்சியடித்து தீயை அணைக்க முயன்றனா். ஆனால், தீ லாரி முழுவதும் பரவி கொளுந்துவிட்டு எரியத் தொடங்கியது.

இதையடுத்து, ஈரோட்டிலிருந்தும் தீயணைப்பு வாகனம் வரவழைக்கப்பட்டு தீயை அணைக்க முயற்சி மேற்கொள்ளப்பட்டது. சுமாா் 5 மணிநேர போராட்டத்துக்குப் பின்னா் தீ முற்றிலும் அணைக்கப்பட்டது. இதில் லாரி மற்றும் 25 டன் பஞ்சு எரிந்து சேதமானது.