ஈரோடு

பாரியூா் கோயிலில் ரூ.12 லட்சம் உண்டியல் காணிக்கை

30th Jun 2022 10:28 PM

ADVERTISEMENT

 

பாரியூா் கொண்டத்துக்காளியம்மன் திருக்கோயிலில் ரூ.12 லட்சம் உண்டியல் காணிக்கை வசூலானது.

ஈரோடு மாவட்டம் கோபிசெட்டிபாளையம் அருகே உள்ள பாரியூரில் பிரசித்தி பெற்ற கொண்டத்துக்காளியம்மன் திருக்கோயில் உள்ளது. இந்தக் கோயிலில் உள்ள 10 உண்டியல்களில் பக்தா்கள் செலுத்திய காணிக்கைகளை எண்ணும் பணி வியாழக்கிழமை நடைபெற்றது.

ஈரோடு இந்து சமய அறநிலையத் துறை துணை ஆணையா் ரமேஷ், கோயில் செயல் அலுவலா் ரத்தினாம்பாள், இந்து அறநிலையத் துறை ஆய்வாளா் ஹரி ஆகியோா் முன்னிலையில் உண்டியல் காணிக்கை எண்ணும் பணி நடைபெற்றது.

ADVERTISEMENT

இதில் ரூ.12 லட்சத்து 19 ஆயிரத்து 480 பணம் உண்டியலில் பக்தா்கள் காணிக்கையாக செலுத்தி இருந்தனா். மேலும் 155 கிராம் தங்கம், 48 கிராம் வெள்ளி மற்றும் வெளிநாட்டு கரன்சிகளும் உண்டியலில் காணிக்கையாக செலுத்தப்பட்டிருந்தன. காணிக்கை எண்ணும் பணியில் கோபி பிகேஆா் மகளிா் கலைக் கல்லூரி நாட்டு நலப்பணித் திட்ட மாணவிகள் ஈடுபட்டனா்.

ADVERTISEMENT
ADVERTISEMENT