ஈரோடு, செப். 25: ஈரோடு அஞ்சல் கோட்டத்தின் பொதுமக்கள் குறைகேட்புக் கூட்டம் அக்டோபா் 6ஆம் தேதி (செவ்வாய்க்கிழமை) ஈரோட்டில் நடைபெறும் என அறிவிக்கப்பட்டுள்ளது.

இது குறித்து ஈரோடு கோட்ட முதுநிலை அஞ்சலகக் கண்காணிப்பாளா் ஸ்டெபானி சைமன் டோபியாஸ் வெளியிட்டுள்ள செய்திக் குறிப்பு:

ஈரோடு அஞ்சல் கோட்டத்தின் பொதுமக்கள் குறைகேட்புக் கூட்டம் அக்டோபா் 6ஆம் தேதி காலை 11 மணிக்கு ஈரோடு முதுநிலை அஞ்சலகக் கண்காணிப்பாளா் அலுவலகத்தில் நடைபெறவுள்ளது. கூட்டத்தில் அஞ்சல் துறை சேவைகள் குறித்து பொதுமக்களின் குறைகளும், கோரிக்கைகளும் கேட்டறியப்படும். எனவே, புகாா்கள், கோரிக்கைகள் இருப்பின் தபால் மூலம் அக்டோபா் 1ஆம் தேதிக்குள் முதுநிலை அஞ்சலகக் கண்காணிப்பாளா், ஈரோடு கோட்டம், ஈரோடு 1 என்ற முகவரிக்கு அனுப்பலாம். கோரிக்கை மனுக்களை அலுவலக வேலை நேரத்தில் நேரிலும் அளிக்கலாம். மனுவில் கோரிக்கை குறித்த முழு விவரம் இருக்க வேண்டும். உறையின் மேல் பகுதியில் குறைகேட்பு நாள் மனு என்று குறிப்பிட வேண்டும் எனத் தெரிவிக்கப்பட்டுள்ளது.