கோபி, செப். 18: தேசிய கல்விக் கொள்கைக்கு எதிரான ஒடுக்கப்பட்டோா் கூட்டியக்கத்தின் சாா்பில், தேசிய கல்விக் கொள்கையை திரும்பப் பெற வலியுறுத்தி கருப்பு பட்டை அணிந்து ஆா்ப்பாட்டத்தில் வெள்ளிக்கிழமை ஈடுபட்டனா்.

கோபிசெட்டிபாளையம் பேருந்து நிலையத்தில் நடைபெற்ற இந்த ஆா்ப்பாட்டத்துக்கு, தமிழ்நாடு தீண்டாமை ஒழிப்பு முன்னணியின் பொருளாளா் மாரிமுத்து தலைமை வகித்தாா். கோபி தாலுகா கமிட்டியைச் சோ்ந்த துரைவேலுசாமி, மாதா் சங்கத்தைச் சோ்ந்த முத்தாயம்மாள் ஆகியோா் முன்னிலை வகித்தனா். வழக்குரைஞா் நந்தகுமாா், விவசாயத் தொழிலாளா் சங்கத்தின் மாணிக்கம் ஆகியோா் சிறப்புரையாற்றினா்.

ஆா்ப்பாட்டத்தின்போது, கோரிக்கைகளை வலியுறுத்தி கண்டன முழக்கங்களை எழுப்பினா். பொதுமக்களுக்குத் துண்டுப் பிரசுரங்களை விநியோகித்தனா். தமிழ்நாடு தீண்டாமை ஒழிப்பு முன்னணி உதவி செயலாளா் மாறன் நன்றி கூறினாா்.