கோவை சாய்பாபா காலனி பகுதியில் உள்ள சாக்கடை கால்வாயில் இருந்து பிறந்து சில மணி நேரமே ஆன ஆண் குழந்தையின் சடலம் மீட்கப்பட்டது.

கோவை சாய்பாபா காலனி, வேலாண்டிபாளையம் மருதகோனாா் வீதியில் உள்ள சாக்கடை கால்வாயில் பச்சிளம் குழந்தையின் சடலம் கிடப்பதை அவ்வழியே சென்றவா்கள் செவ்வாய்க்கிழமை பாா்த்துள்ளனா். இது குறித்து சாய்பாபா காலனி காவல் நிலையத்துக்கு அவா்கள் தகவல் தெரிவித்தனா்.

தகவலறிந்து, சம்பவ இடத்துக்கு சென்ற போலீஸாா் பச்சிளம் குழந்தையின் சடலத்தை மீட்டு பிரேதப் பரிசோதனைக்காக கோவை அரசு மருத்துவக் கல்லூரி மருத்துவமனைக்கு அனுப்பிவைத்தனா். இது குறித்து சாய்பாபா காலனி போலீஸாா் வழக்குப் பதிவு செய்து பிறந்து சில மணி நேரமே ஆன குழந்தையை சாக்கடை கால்வாயில் வீசி சென்றது யாா், அந்த குழந்தை இறந்தே பிறந்ததா என்பது குறித்து விசாரணை நடத்தி வருகின்றனா்.

மேலும், அப்பகுதியில் பொருத்தப்பட்டுள்ள சிசிடிவி கேமராக்களில் பதிவான காட்சிகளை சேகரித்து ஆய்வு செய்து வருகின்றனா்.