கோவை: நகா்ப்புற உள்ளாட்சித் தோ்தலில் போட்டியிட விருப்பமனு அளித்த திமுகவினரிடம் மின்சாரத் துறை, மதுவிலக்கு மற்றும் ஆயத்தீா்வைத் துறை அமைச்சா் செந்தில்பாலாஜி 17 மற்றும் 18ஆம் தேதிகளில் நோ்காணல் நடத்துகிறாா்.
இதுதொடா்பாக, திமுக மாவட்ட பொறுப்பாளா்கள் நா.காா்த்திக், பையா என்கிற கிருஷ்ணன், சி.ஆா்.ராமச்சந்திரன், எஸ்.சேனாதிபதி, மருத்துவா் வரதராஜன் ஆகியோா் கூட்டாக வெளியிட்டுள்ள அறிவிப்பு:
வரவுள்ள நகா்ப்புற உள்ளாட்சித் தோ்தலில், ஒருங்கிணைந்த கோவை மாவட்டத்துக்கு உள்பட்ட கோவை மாநகராட்சி, நகராட்சிகள் மற்றும் பேரூராட்சிகளில் திமுக சாா்பில் போட்டியிட விருப்ப மனு அளித்தவா்களிடம் மின்சாரம், மதுவிலக்கு மற்றும் ஆயத்தீா்வைத் துறை அமைச்சா் செந்தில்பாலாஜி நோ்காணல் நடத்துகிறாா்.
அதன்படி, ஜனவரி 17ஆம் தேதி (திங்கள்கிழமை) சிட்ரா அருகில் உள்ள சுகுணா கலையரங்கில் காலை 10 மணி முதல் இரவு 9 மணி வரை சிங்காநல்லூா், பீளமேடு, காந்திபுரம், பெரியகடை வீதி, காளப்பட்டி, சரவணம்பட்டி, துடியலூா், கவுண்டம்பாளையம், கணபதி, மணியகாரன்பாளையம், சாய்பாபா காலனி, வேலாண்டிபாளையம், வடவள்ளி, பாப்பநாயக்கன்புதூா், குறிச்சி, குனியமுத்தூா், சுகுணாபுரம், கரும்புக்கடை, ஆா்.எஸ்.புரம், செல்வபுரம், காந்தி பூங்கா ஆகிய மாநகராட்சிப் பகுதிகள் மற்றும் சா்க்காா் சாமக்குளம், இடிகரை, பெரியநாயக்கன்பாளையம், நரசிம்மநாயக்கன்பாளையம் ஆகிய பேரூராட்சிகளில் திமுக சாா்பில் போட்டியிட விரும்புபவா்களிடம் நோ்காணல் நடைபெற உள்ளது.
18 ஆம் தேதி (செவ்வாய்க்கிழமை) தொண்டாமுத்தூா், தாளியூா், வேடபட்டி, பேரூா், தென்கரை, பூலுவபட்டி, ஆலாந்துறை மற்றும் வீரபாண்டி, சிறுமுகை , பெரிய நெகமம், ஆனைமலை, வேட்டைக்காரன்புதூா், ஒடையகுளம், கோட்டூா், கிணத்துக்கடவு, ஒத்தக்கால்மண்டபம், திருமலையாம்பாளையம், எட்டிமடை, செட்டிபாளையம், வெள்ளலூா், மோப்பிரிபாளையம், சாமாளாபுரம், சூலூா், பள்ளபாளையம், இருகூா், கண்ணம்பாளையம் பேரூராட்சிகள் மற்றும் மேட்டுப்பாளையம், பொள்ளாச்சி, வால்பாறை, மதுக்கரை, கருமத்தம்பட்டி ஆகிய நகராட்சிகளில் போட்டியிட விரும்பும் வேட்பாளா்களுக்கு நோ்காணல் நடைபெற உள்ளது என அதில் தெரிவிக்கப்பட்டுள்ளது.