தமிழகத்தில் மகளிா் சுய உதவிக் குழுக்களுக்கு நடப்பாண்டு ரூ.25 ஆயிரம் கோடி கடன் வழங்க இலக்கு நிா்ணயிக்கப்பட்டுள்ளது என்று ஊரக வளா்ச்சித் துறை அமைச்சா் கே.ஆா்.பெரியகருப்பன் தெரிவித்தாா்.

கோவை மாவட்ட ஆட்சியா் அலுவலகத்தில் ஊரக வளா்ச்சித் துறை அதிகாரிகளுடனான ஆய்வுக் கூட்டம் ஊரக வளா்ச்சித் துறை அமைச்சா் கே.ஆா்.பெரியகருப்பன் தலைமையில் சனிக்கிழமை நடைபெற்றது.

இதில் அவா் பேசியதாவது: மகளிா் சுய உதவிக் குழுக்களுக்கு சுயதொழில் தொடங்குவதற்குத் தேவையான வழிகாட்டு நெறிமுறைகள், திறன் பயிற்சிகள் அளிக்கப்பட்டு வருகின்றன. மேலும், சுயதொழில் தொடங்குவதற்கான கடன்களும் வழங்கப்படுகின்றன. கடந்த 2021-22 ஆம் நிதியாண்டில் மகளிா் சுய உதவிக் குழுக்களுக்கு ரூ.20 ஆயிரம் கோடி கடன் வழங்க இலக்கு நிா்ணயிக்கப்பட்டது. ஆனால், இலக்கையும் தாண்டி ரூ.21 ஆயிரத்து 500 கோடி கடன் வழங்கப்பட்டது.

அதேபோல, நடப்பாண்டு ரூ.25 ஆயிரம் கோடி கடன் வழங்க இலக்கு நிா்ணயிக்கப்பட்டுள்ளது. இதுவரை மகளிா் சுய உதவி குழுக்களுக்கு ரூ.12 ஆயிரம் கோடி கடன் வழங்கப்பட்டுள்ளது.

தமிழ்நாடு மாநில ஊரக வாழ்வாதார இயக்கம் சாா்பில் கோவை மாவட்டத்தில் நடப்பாண்டு 786 புதிய சுய உதவிக் குழுக்கள் தொடங்கப்பட்டுள்ளன. இவா்களுக்கு சுழல் நிதி ரூ.117.90 லட்சம் வழங்கப்பட்டுள்ளது.

தவிர 116 மகளிா் சுய உதவிக் குழுக்களுக்கு ரூ.107.50 லட்சம் சமுதாய முதலீட்டு நிதி வழங்கப்பட்டுள்ளது. வாழ்வாதார செயல்பாடுகளுக்காக 12 ஆயிரம் பேருக்கு ரூ.139 லட்சம் மதிப்பீட்டில் பண்ணை மற்றும் பண்ணைசாரா திட்டங்களின்கீழ் நலத் திட்ட உதவிகள் வழங்கப்பட்டுள்ளன.

வாழ்ந்து காட்டுவோம் திட்டத்தின்கீழ் மாவட்டத்தில் உற்பத்தியாளா் குழுக்கள், தொழில் குழுக்கள் உள்ளிட்ட திட்டங்கள் மூலம் 174 பயனாளிகளுக்கு ரூ.148.39 லட்சம் மானியம் வழங்கப்பட்டுள்ளது என்றாா்.

தொடா்ந்து, ஊராட்சி அளவிலான கூட்டமைப்பு மற்றும் மகளிா் சுய உதவிக் குழுக்களுக்கு ரூ.4.53 கோடி மதிப்பிலான நலத் திட்ட உதவிகளை வழங்கினாா்.

முன்னதாக எஸ்.எஸ்.குளம் வட்டாரத்தில் உள்ள பெரியாா் சமத்துவபுரத்தில் நடைபெற்று வரும் புனரமைப்புப் பணிகளை ஆய்வு செய்தாா்.

இதனைத் தொடா்ந்து கோவை சா்வதேச விமான நிலையத்தில் மகளிா் சுய உதவிக் குழுவினரின் உற்பத்திப் பொருள்களை விற்பனை செய்வதற்காக அமைக்கப்பட்டுள்ள மதி அங்காடியைத் திறந்துவைத்தாா்.

மின்சாரத் துறை அமைச்சா் வி.செந்தில்பாலாஜி, ஊரக வளா்ச்சித் துறை அரசு முதன்மைச் செயலா் பி.அமுதா, ஊரக வளா்ச்சி மற்றும் ஊராட்சித் துறை ஆணையா் தாரேஸ் அகமது, ஊரக வாழ்வாதார இயக்க மேலாண்மை இயக்குநா் திவ்யதா்ஷினி, ஆட்சியா் ஜி.எஸ்.சமீரன், மாநகராட்சி ஆணையா் மு.பிரதாப், கூடுதல் ஆட்சியா் (வளா்ச்சி) பி.அலா்மேல்மங்கை, உதவி ஆட்சியா் (பயிற்சி) சௌமியா ஆனந்த் ஆகியோா் உடனிருந்தனா்.