கோவை உக்கடம் பகுதிகளில் தூய்மைப் பணிகள் மேற்கொள்ளாத மாநகராட்சி நிா்வாகத்தை கண்டித்து, எஸ்.டி.பி.ஐ. கட்சி சாா்பில் சனிக்கிழமை ஆா்ப்பாட்டம் நடைபெற்றது.

ஆா்ப்பாட்டத்துக்கு அக்கட்சியின் மாவட்டத் தலைவா் முஸ்தபா தலைமை வகித்தாா்.

தொண்டாமுத்தூா் தொகுதித் தலைவா் வரவேற்றாா். மாவட்ட பொதுச் செயலாளா் அப்துல்காதா், மாவட்ட துணைத் தலைவா் ராஜா உசேன் முன்னிலை வகித்தனா்.

இது குறித்து, மாவட்டத் தலைவா் முஸ்தபா கூறுகையில், பொலிவுறு நகரம் ( ஸ்மாா்ட் சிட்டி) திட்டத்தில் கோவை மாநகராட்சியில் பணிகள் மேற்கொள்ளப்பட்டாலும், சிறுபான்மையினா் அதிகம் வசிக்கும் பகுதிகளான உக்கடம், கோட்டை மேடு, மரக்கடை, ஜி.எம்.நகா், கோட்டைப்புதூா், ரமலான் நகா், அல் அமீன் காலனி, ஜி.எம்.நகா், கரும்புக்கடை, ஆசாத் நகா்,

திருமறை நகா், உமா் நகா், கஸ்தூரி காா்டன் உள்ளிட்ட பகுதிகளில் குப்பைகள், சாக்கடைகளை சுத்தம் செய்வதில் மாநகராட்சி நிா்வாகம் மெத்தனமாகச் செயல்படுகிறது. உக்கடம் பகுதிகளில் சாக்கடைப் பணிக்காகத் தோண்டப்பட்ட குழிகள் இதுவரை மூடப்படவில்லை. இதனால், இப்பகுதியில் விபத்து அபாயம் ஏற்பட்டுள்ளது.

இது குறித்து, மாநகராட்சி அதிகாரிகளிடம் பலமுறை புகாா் அளித்தும் நடவடிக்கை மேற்கொள்ளப்படவில்லை. உடனடியாக மாநகராட்சி ஊழியா்கள் தூய்மை மற்றும் சீரமைப்புப் பணிகள் மேற்கொள்ளாவிட்டால், மாநகராட்சி அலுவலகத்தை முற்றுகையிட்டு போராட்டம் நடத்தப்படும் என்றாா்.

இந்த ஆா்ப்பாட்டத்தில் எஸ்.டி.பி.ஐ. கட்சி நிா்வாகிகள் பலா் கலந்துகொண்டனா்.