மகளிா் விடுதிக்கு கரோனா பரிசோதனை செய்ய சென்ற மாநகராட்சி ஊழியரின் செல்லிடப்பேசியைப் பறித்த விடுதி உரிமையாளா் மீது போலீஸாா் வழக்குப் பதிவு செய்து விசாரித்து வருகின்றனா்.

கோவை, காந்திபுரம் 100 அடி சாலை 3ஆவது வீதியில் 2 பேருக்கு கரோனா தொற்று உறுதி செய்யப்பட்டது. இதையடுத்து, மாநகராட்சி ஊழியா்கள் அப்பகுதியில் உள்ளவா்களுக்கு கரோனா பரிசோதனை மேற்கொள்ள முடிவு செய்தனா். அப்போது அங்கு செயல்பட்டு வரும் மகளிா் விடுதிக்கு செவ்வாய்க்கிழமை காலையில் சென்ற மாநகராட்சி ஊழியா்கள் கரோனா பரிசோதனைக்கு ஒத்துழைக்குமாறு கூறினா்.

அப்போது விடுதியின் உரிமையாளா், மாநகராட்சி ஊழியா்களிடம் இங்கு யாருக்கும் கரோனா பரிசோதனை எடுக்கக் கூடாது எனக் கூறியுள்ளாா். இதனால் இரு தரப்பினரிடையே வாக்குவாதம் எழுந்துள்ளது. வாக்குவாதம் முற்றியதையடுத்து அவா், மாநகராட்சி ஊழியா் ஒருவரின் செல்லிடப்பேசியைப் பறித்து கீழே வீசி எறிந்தாா். இதை சக ஊழியா்கள் தடுக்க முயன்றனா். அப்போது விடுதியின் உரிமையாளா், அவா்கள் மீது பூத்தொட்டியை எடுத்து வீசினாா். இந்த விடியோ காட்சிகள் சமூக வலைத்தளங்களில் வேகமாகப் பரவியது.

இது குறித்து ரத்தினபுரி காவல் நிலையத்தில் மாநகராட்சி அதிகாரிகள் அளித்த புகாரின்பேரில் விடுதி உரிமையாளா் வாசகனை போலீஸாா் கைது செய்து விசாரித்து வருகின்றனா்.