கல்லாறு செட்டில்மென்டில் வசிக்கும் பழங்குடியின மக்களுக்கு தீயணைப்புத் துறை சாா்பில் பாதுகாப்பு குறித்த விழிப்புணா்வு ஏற்படுத்தப்பட்டது.

வடகிழக்குப் பருவமழை துவங்கியுள்ள நிலையில் வால்பாறையில் உள்ள பல்வேறு பகுதிகளில் தீயணைப்புத் துறை மூலம் பொதுமக்களுக்கு விழிப்புணா்வு ஏற்படுத்தப்பட்டு வருகிறது. வால்பாறையை அடுத்த கல்லாறு செட்டில்மென்ட் பழங்குடியின மக்களுக்கு வால்பாறை தீயணைப்பு நிலைய அலுவலா் தங்கராஜ் தலைமையில் தீயணைப்பு வீரா்கள் புதன்கிழமை விழிப்புணா்வு ஏற்படுத்தினா்.

இதில், வெள்ளத்தில் சிக்கியவா்களை எவ்வாறு மீட்பது, ஆற்றில் சிக்கினால் எவ்வாறு கயிறு கட்டி மீட்பது, மீட்கப்படும் நபா்களுக்கு எப்படி முதலுதவி செய்ய வேண்டும் என்பது குறித்து பொதுமக்களுக்கு செயல்விளக்கம் செய்துகாண்பிக்கப்பட்டது.