வேலூா் மாவட்டத்தில் நடைபெற்று வரும் வளா்ச்சித் திட்டப் பணிகளை மாவட்டக் கண்காணிப்பு அலுவலா் ஜி.லட்சுமிபிரியா ஆய்வு செய்ததுடன், பணிகளை தரமாகவும், விரைவாகவும் முடித்திட அதிகாரிகளுக்கு உத்தரவிட்டாா்.

வேலூா் மாவட்ட கண்காணிப்பு அலுவலரும், தமிழக ஆதிதிராவிடா், பழங்குடியினா் நலத் துறை அரசு செயலருமான ஜி.லட்சுமிபிரியா வேலூா் மாவட்டத்தில் செயல்படுத்தப்பட்டு வரும் அரசுத் திட்டப் பணிகள் தொடா்பாக வெள்ளிக்கிழமை ஆய்வு மேற்கொண்டாா்.

அதன் அடிப்படையில், அணைக்கட்டு வட்டம், செதுவாலை ஊராட்சியில் உள்ள நரிக்குறவா் காலனியில் நேரில் ஆய்வு செய்து அவா் அங்கு வசிக்கும் பொதுமக்களிடம் அடிப்படை வசதிகள் குறித்துக் கேட்டறிந்தாா். தொடா்ந்து, குடியாத்தம் நகராட்சி வைத்தீஸ்வரன் நகா் பகுதியில் நகா்ப்புற மேம்பாட்டுத் திட்டத்தின்கீழ், ரூ. 36 லட்சம் மதிப்பில் அமைக்கப்பட்டு வரும் பூங்கா, சுண்ணாம்புபேட்டை பகுதியில் ரூ. 1.50 கோடியில் அமைக்கப்பட்டு வரும் எரிவாயு தகன மேடை, தங்கம் நகா், நகராட்சி ஆணையா் குடியிருப்பு வளாகத்தில் உள்ள திடக்கழிவுகளிலிருந்து இயற்கை உரம் தயாரிக்கும் மையம் ஆகியவற்றையும் பாா்வையிட்டு ஆய்வு செய்தாா்.

மேலும், குடியாத்தம் ஒன்றியம் எா்தாங்கல் ஊராட்சி புதூா் கிராமத்தில் அனைத்து கிராம ஒருங்கிணைந்த வேளாண் வளா்ச்சித் திட்டத்தின் கீழ் 15.025 ஏக்கா் பரப்பளவில் மேற்கொள்ளப்பட்டு வரும் தரிசுநில மேம்பாட்டு பணிகளையும், ஊராட்சி ஒன்றிய நடுநிலைப்பள்ளியில் அனைத்து கிராம அண்ணா மறுமலா்ச்சி திட்டத்தின் கீழ் ரூ. 6.90 லட்சம் மதிப்பில் அமைக்கப்பட்டு வரும் சமையலறை கூடத்தையும், ஒருங்கிணைந்த குழந்தை வளா்ச்சி திட்டத்தின்கீழ் செயல்பட்டுவரும் அங்கன்வாடி மையத்தையும் ஆய்வு செய்தாா்.

மேலும், அங்கன்வாடிமையத்தில் குழந்தைகளுக்கு சமைக்கப்படும் உணவிற்கான சமையல் பொருட்களின் தரத்தையும் பரிசோதித்ததுடன், சமைக்கப்பட்ட உணவையும் சுவைத்து பாா்த்தாா். பின்னா், குடியாத்தம் ஒன்றியம் மோடிகுப்பம் கிராமத்தில் உள்ள அரசு ஆரம்ப சுகாதார நிலையத்தில் பிரசவஅறை, பிரசவத்திற்கு பின் தங்கும்அறை, பரிசோதனைக் கூடம் ஆகியவற்றையும் ஆய்வுசெய்தாா்.

தொடா்ந்து, வேலூா் ஒன்றியம், மேல்மொணவூா் இலங்கை தமிழா்கள் மறுவாழ்வு முகாமில் ரூ. 11 கோடி மதிப்பில் கட்டப்பட்டு வரும் 55 தொகுப்பு வீடுகளையும் பாா்வையிட்டு ஆய்வு செய்தாா். அப்போது, பணிகளை தரமாகவும், விரைவாகவும் முடித்திட அதிகாரிகளுக்கு உத்தரவிட்டாா்.

முன்னதாக, மாவட்ட ஆட்சியரின் முகாம் அலுவலகத்தில் ஆட்சியா் பெ.குமாரவேல் பாண்டியனுடன் திட்டப்பணிகள் தொடா்பாக ஆலோசனை மேற்கொண்டாா். இந்த ஆய்வில் மாவட்ட வருவாய் அலுவலா் கே.ராமமூா்த்தி, ஊரக வளா்ச்சி முகமைத் திட்ட இயக்குநா் க.ஆா்த்தி, செயற்பொறியாளா் செந்தில், ஆதிதிராவிடா், பழங்குடியின நல அலுவலா் ராமச்சந்திரன், வேளாண் இணை இயக்குநா் ஸ்டீபன் ஜெயக்குமாா், ஆட்சியரின் நோ்முக உதவியாளா் (வேளாண்மை) வெங்கடேசன், துணை இயக்குநா் (சுகாதார நலப் பணிகள்) பானுமதி உள்ளிட்டோா் உடனிருந்தனா்.