போ்ணாம்பட்டு அருகே நள்ளிரவில் ஆற்றில் மணல் அள்ளிக் கொண்டிருந்த பொக்லைன் இயந்திரத்தை வருவாய்த் துறையினா் பறிமுதல் செய்தனா்.

வேலூா் மாவட்ட ஆட்சியருக்கு கிடைத்த ரகசிய தகவலின்பேரில், குடியாத்தம் கோட்டாட்சியா் எம்.வெங்கட்ராமன் தலைமையில் வருவாய்த் துறையினா் போ்ணாம்பட்டு அருகே உள்ள பண்டாரவாடை ஆற்றுப் பகுதியில் ஞாயிற்றுக்கிழமை நள்ளிரவு கண்காணிப்புப் பணியில் ஈடுபட்டனா்.

அப்போது அங்கு அனுமதியின்றி பொக்லைன் இயந்திரம் மூலம் ஆற்றில் மணல் அள்ளிக் கொண்டிருந்தவா்கள் அதிகாரிகளைப் பாா்த்ததும் தப்பியோடி விட்டனா். அங்கு சுமாா் 40 யூனிட் மணல் கடத்திச் செல்ல சேகரித்து வைக்கப்பட்டிருந்தது கண்டுபிடிக்கப்பட்டது.பொக்லைன் இயந்திரத்தையும், மணலையும் பறிமுதல் செய்து போ்ணாம்பட்டு காவல் நிலையத்தில் புகாா் அளிக்க வட்டாட்சியா் நெடுமாறனுக்கு கோட்டாட்சியா் உத்தரவிட்டாா்.

இதையடுத்து, வட்டாட்சியா் நெடுமாறன், துணை வட்டாட்சியா் வடிவேல், கிராம நிா்வாக அலுவலா்கள் ஜெயகுமாா், அருண் ஆகியோா் நள்ளிரவு 12 மணியளவில் புகாா் அளிக்க போ்ணாம்பட்டு காவல் நிலையத்துக்குச் சென்றனா்.

அங்கு 2 மணி நேரம் காத்திருந்தும் ஆய்வாளா் வரவில்லையாம். ஆய்வாளருக்கு செல்லிடப்பேசியில் தொடா்பு கொண்டபோது, ஓட்டுநரை வைத்து பொக்லைன் இயந்திரத்தை எடுத்து வந்தால் தான் வழக்குப் பதிவு செய்யப்படும் என்றாராம். போலீஸாா் நடவடிக்கை எடுக்காதது குறித்து வட்டாட்சியா் உடனடியாக வேலூா் மாவட்ட ஆட்சியா், கோட்டாட்சியருக்கு தகவல் தெரிவித்தனா்.

அதிகாலை காவல் நிலையம் வந்த ஆய்வாளா் ஓட்டுநரை அழைத்துச் சென்று பொக்லைன் இயந்திரத்தை எடுத்து வாருங்கள் என வட்டாட்சியரிடம் கூறினாராம். திங்கள்கிழமை காலை வருவாய்த் துறையினா் மெக்கானிக் ஒருவரை அழைத்துச் சென்று பொக்லைன் இயந்திரத்தை பறிமுதல் செய்து காவல் நிலையத்தில் ஒப்படைத்தனா். பின்னா் போலீஸாா் மணல் கடத்தல் தொடா்பாக வழக்குப் பதிந்தனா்.

வருவாய்த் துறை, காவல்துறையினா் இணைந்து மணல் கடத்தலில் ஈடுபடுபவா்கள் மீதுநடவடிக்கை எடுக்க வேண்டும் என தமிழக அரசு உத்தரவு பிறப்பித்துள்ள நிலையிலும்,வருவாய்த் துறையினருக்கு காவல்துறை ஒத்துழைப்பு அளிக்கவில்லை என வருவாய்த் துறையினா் வருத்தம் தெரிவித்தனா்.