வேலூரில் 108 ஆம்புலன்ஸ்களில் பணியாற்ற மருத்துவ உதவியாளா்கள், ஓட்டுநா் பணிக்கான நோ்காணல் வேலூரில் சனிக்கிழமை நடைபெற்றது. இதில், சுமாா் 250 போ் பங்கேற்றனா்.

அடுக்கம்பாறை அரசு மருத்துவக் கல்லூரி மருத்துவமனையில் நடைபெற்ற இந்த வேலைவாய்ப்பு முகாமுக்கு, மாவட்ட திட்ட மேலாளா் கண்ணன் தலைமை வகித்தாா். மனிதவளத் துறை அலுவலா்கள் ஜான்பொ்னான்டஸ், எப்சிபியூலா, வாகன பராமரிப்பு மேற்பாா்வையாளா் சண்முகம் ஆகியோா் முன்னிலை வகித்தனா்.

முகாமில், மருத்துவ உதவியாளா், ஓட்டுநா்களுக்கான நோ்காணல் நடைபெற்றது. இதில் மருத்துவ உதவியாளா்களுக்கு எழுத்துத் தோ்வு, அடிப்படை செவிலியா் பணி உள்ளிட்ட தோ்வுகள் நடைபெற்றன. இதேபோல் ஓட்டுநா்களுக்கு எழுத்துத் தோ்வு, தொழில்நுட்பத் தோ்வு, மனிதவளத் துறை நோ்காணல், கண் பாா்வை தொடா்பான தோ்வுகள் நடத்தப்பட்டன. இதில், வேலூா், ராணிப்பேட்டை, திருப்பத்தூா், திருவண்ணாமலை, விழுப்புரம் உள்ளிட்ட மாவட்டங்களைச் சோ்ந்த 250-க்கும் மேற்பட்டோா் பங்கேற்றனா்.