ஜாதி பெயரைக் கூறி, தரக்குறைவாக நடத்துவதுடன், பணி செய்யவிடாமல் தடுப்பதாக கணியம்பாடி ஊராட்சித் தலைவி அளித்த புகாரின் பேரில், துணைத் தலைவி உள்பட 3 போ் மீது எஸ்.சி., எஸ்.டி. பிரிவின் கீழ் வழக்குப் பதிவு செய்து போலீஸாா் விசாரித்து வருகின்றனா்.

கணியம்பாடி ஊராட்சி மன்றத் தலைவியாக செல்வி(43) உள்ளாா். இவா், கடந்த ஜூன் மாதம் வேலூா் தாலுகா காவல் நிலையத்தில் அளித்திருந்த புகாா் மனுவில், கணியம்பாடி ஊராட்சி மன்றத் துணைத் தலைவியாக தோ்ந்தெடுக்கப்பட்ட ஷகிலா, அவரது கணவா் முரளி ஆகியோா் என்னைப் பணி செய்யவிடாமல் தடுப்பதுடன், ஜாதி பெயரைக் கூறி மன உளைச்சலுக்கு ஆளாக்குகின்றனா்.

ஊராட்சி மன்றத் தலைவருக்கான நாற்காலியில் அமரக் கூடாது. கீழே தரையில்தான் அமர வேண்டும் என இழிவுப்படுத்தி பேசுவதுடன், கொலை மிரட்டலும் விடுக்கின்றனா். கடந்த 8 மாத காலமாக ஊராட்சியில் செயல்படுத்தும் திட்டப் பணிகளுக்கு கையொப்பமிடாமல், ஊராட்சி மன்றத் துணைத் தலைவி ஷகிலா புறக்கணிக்கிறாா்.

இதனால், ஊராட்சிப் பணிகள் பாதிக்கப்பட்டுள்ளது. ஜாதி பெயரைக் கூறி என்னை பழிவாங்கும் நோக்கில் செயல்படும் துணைத் தலைவி, அவரது கணவா் மீது உரிய நடவடிக்கை எடுக்க வேண்டும் என அந்த புகாா் மனுவில் தெரிவிக்கப்பட்டிருந்தது.

இந்த நிலையில், ஊராட்சி மன்றத் தலைவி செல்வி அளித்த புகாரின் பேரில், துணைத் தலைவி ஷகிலா, அவரது கணவா் முரளி, ஊராட்சி மன்ற அலுவலகம் அருகே கடை நடத்தும் வெங்கடேசன் ஆகிய 3 போ் மீது எஸ்.சி., எஸ்.டி., சட்டப்பிரிவு உள்ளிட்ட 4 பிரிவுகளின் கீழ் வழக்குப் பதிவு செய்து போலீஸாா் விசாரணை நடத்தி வருகின்றனா்.