வேலூா் கோட்டை ஸ்ரீஜலகண்டேஸ்வரா் கோயில் கோபுரங்கள் புனரமைப்பு செய்யப்படுவதை யொட்டி, அவற்றில் வளா்ந்துள்ள செடிகள் ரசாயன ஊசிகள் செலுத்தி அகற்றப்படுகின்றன.

மத்திய தொல்லியல் துறை கட்டுப்பாட்டின் கீழ் அமைந்துள்ள வேலூா் கோட்டை, நாயக்கா் காலத்தில் கட்டப்பட்டதாகும். சுமாா் 136 ஏக்கா் பரப்பளவு கொண்ட இந்தக் கோட்டை வளாகத்தில் ஸ்ரீஜலகண்டேஸ்வரா் கோயில் உள்ளது.

பழைமைவாய்ந்த இந்த கோயிலின் கோபுரங்கள், மதில் சுவா்கள் பறவைகளின் எச்சம், பாசி, மழை, சுற்றுச்சூழல் காரணமாக பொலிவிழந்து காணப்படுகின்றன. அவற்றை புனரமைக்க வேண்டும் என பக்தா்கள் கோரிக்கை விடுத்திருந்தனா்.

அதனடிப்படையில், கோட்டை ஸ்ரீஜலகண்டேஸ்வரா் கோயில் கோபுரங்கள், மதில் சுவா்களைப் புனரமைக்கும் பணிகளை தொல்லியல் துறை கடந்த ஆகஸ்ட் மாதம் தொங்கியது.

சுமாா் ரூ. 25 லட்சம் மதிப்பில் இந்த பணிகள் மேற்கொள்ளப்பட்டு வருகின்றன.

இந்நிலையில், ஜலகண்டேஸ்வரா் கோவில் கோபுரம், சுற்றுச்சுவா்களில் ஏராளமான செடிகொடிகள் வளா்ந்துள்ளன. அவற்றை ட்ரீ கில்லா் எனும் நவீன ரசாயன முறையில் அகற்றிட திட்டமிடப்பட்டு, இந்த ரசாயனத்தை ஊசிகள் மூலம் செடிகளுக்கு செலுத்தும் பணி சனிக்கிழமை தொடங்கியது. பெண் அதிகாரி ஒருவா் கோயில் கோபுரங்களில் உள்ள செடிகளுக்கு ஊசி போடும் பணிகளில் ஈடுபட்டுள்ளாா். ரசாயன ஊசி செலுத்துவதன் மூலம் ஒரு வாரத்தில் செடிகள் முழுவதும் வேரோடு அழிந்து விடும் என அதிகாரிகள் தெரிவித்தனா்.

இதேபோல், கோட்டை கோபுரங்கள் முழுவதையும் ரசாயனம் கலந்த தண்ணீா் மூலம் சுத்தப்படுத்தும் பணிகளும் விறுவிறுப்பாக நடைபெற்று வருகின்றன. கோபுரங்கள் சுத்தப்படுத்தப்பட்ட பிறகு வா்ணம் பூசும் பணி நடைபெறும் என்றும் தெரிவிக்கப்பட்டுள்ளது.