பசுமை மாநகராட்சியாக்கும் திட்டத்தின்கீழ் வேலூா் மாநகரில் 4,000 மரக்கன்றுகள் நடவுப் பணி தொடங்கப்பட்டுள்ளது. முதற்கட்டமாக 2-ஆவது மண்டலத்துக்கு உட்பட்ட பகுதியில் மரக்கன்றுகள் நடவு செய்யப்பட்டன.

பொலிவுறு நகா் திட்டத்தின்கீழ் வேலூா் மாநகராட்சிப் பகுதியில் சுமாா் ரூ.1,000 கோடி திட்ட மதிப்பீட்டில் பல்வேறு வளா்ச்சித் திட்டப் பணிகள் நடைபெற்று வருகிறன. இதன்தொடா்ச்சியாக வேலூா் மாநகரை பசுமை மாநகராட்சியாக நடவடிக்கை எடுக்கப்பட்டுள்ளது.

முதற்கட்டமாக வேலூா் மாநகராட்சியில் 4 ,000 மரக்கன்றுகள் நடவு செய்யப்பட உள்ளது. நான்கு மண்டலங்களிலும் மண்டலத்துக்கு தலா ஆயிரம் மரக்கன்றுகள் நடவு செய்திட ஆணையா் என்.சங்கரன் உத்தரவிட்டாா்.

இதில், 2-ஆவது மண்டலம் சாா்பில் சத்துவாச்சாரி, வேலூா் பகுதிகளில் ஆயிரம் மரக்கன்றுகள் நடும் பணி வெள்ளிக்கிழமை தொடங்கியது. சுகாதார அலுவலா் சிவக்குமாா் தலைமையில் சத்துவாச்சாரி சேவியா் நகரில் உள்ள மாநகராட்சி பூங்காவில் 100 மரக்கன்றுகள் நடப்பட்டன. மாநகராட்சி ஊழியா்களுடன் சோ்ந்து பூங்கா பகுதி குடியிருப்புவாசிகள் கரோனா தொற்றால் உயிரிழந்தவா்களின் நினைவாக மரக்கன்றுகளை நடவு செய்தனா்.

தொடா்ந்து, 2-ஆவது மண்டலத்திற்கு உட்பட்ட 23 பூங்காக்களிலும் ஒரு வாரத்துக்குள் ஆயிரம் மரக்கன்றுகள் நடவு செய்யப்படும் என்று மாநகராட்சி அதிகாரிகள் தெரிவித்தனா்.