வேலூா்: கரோனா தொற்று வேகமாகப் பரவி வரும் நிலையில் பொதுமக்களிடம் இருந்து புகாா் மனுக்கள் பெற வேலூா் மாவட்டத்திலுள்ள அனைத்துக் காவல்நிலையங்களிலும் முன்பு பந்தல் அமைக்கப் பட்டுள்ளது. தவிர, காவல்நிலையங்களிலும் தினமும் கிருமி நாசினி கொண்டு தூய்மைப்படுத்தும் பணிகளும் மேற்கொள்ளப்பட்டு வருகிறது.

வேலூா் மாவட்டத்திலும் தொற்றால் பாதிக்கப்படுவோா் எண்ணிக்கை நாளுக்குநாள் உயா்ந்து வருவதால், கரோனா பரவலைத் தடுக்க பல்வேறு நடவடிக்கைகள் எடுக்கப்பட்டு வருகின்றன. அந்தவகையில், அனைத்துக் காவல்நிலையங்களிலும் பொதுமக்களிடம் இருந்து புகாா் மனுக்கள் பெறவும், விசாரணை நடத்தவும் காவல்நிலையங்களுக்கு முன்பு பந்தல் அமைக்கப்பட்டுள்ளது. பொதுமக்களை காவல்நிலையங்களுக்குள் அனுமதிக்காமல் அந்த பந்தலில் வைத்தே புகாா் மனு பெற்றிடவும், அங்கேயே விசாரணை நடத்தி அனுப்பிடவும் உத்தரவிடப்பட்டுள்ளது.

இதுதவிர, மாவட்டத்திலுள்ள அனைத்து காவல்நிலையங்களிலும் தினமும் கிருமி நாசினி கொண்டு சுத்தம் செய்யும் பணியும், புகாா் மனு அளிக்க வருவோருக்கு உடல்வெப்ப நிலையை பரிசோதனையும் மேற்கொள்ளப்பட்டுள்ளது. அத்துடன், புகாா் மனு அளிக்க வருவோா் கட்டாயமாக முகக்கவசம் அணிந்து வர வேண்டும் என்றும் அறிவுறுத்தப்பட்டுள்ளது.