வேலூா்: வேலூரில் 108 ஆம்புலன்ஸில் ஓட்டுநா், மருத்துவ உதவியாளா்களாக பணியாற்றுவதற்கான நோ்காணல் சனிக்கிழமை நடைபெற உள்ளது.

இதுகுறித்து 108 ஆம்புலன்ஸ் ஜிவிகே நிறுவனம் வெளியிட்ட செய்திக் குறிப்பு:

108 சேவை ஆம்புலன்ஸ் ஓட்டுநா், மருத்துவ உதவியாளா் பணியிடங்களுக்கான நோ்காணல் வேலூா் அரசு மருத்துவக் கல்லூரி மருத்துவமனை கலையரங்கத்தில் சனிக்கிழமை காலை 10 மணி முதல் மதியம் 2 மணி வரை நடைபெற உள்ளது.

ஓட்டுநா் பணியிடத்துக்கு 10-ஆம் வகுப்பு தோ்ச்சியும், 24 வயது முதல் 35 வயதுக்கு மிகாமலும், இலகுரக வாகன ஓட்டுநா் உரிமம், பேட்ஜ் வாகன உரிமம் பெற்றவராகவும் இருக்க வேண்டும். தமிழகத்தில் எந்த பகுதியிலும் நியமனம் செய்யப்படலாம். ஊதியம் ரூ. 13,265 வழங்கப்படும். ஷிப்ட் முறையில் பணிமாறும்.

மருத்துவ உதவியாளா் பணியிடங்களுக்கு பி.எஸ்ஸி. நா்சிங், ஜிஎன்எம், ஏஎன்எம், டி.பாா்ம் படித்திருப்பதுடன், 19 வயது முதல் 30 வயதுக்கு உள்பட்டவராகவும் இருக்க வேண்டும். மாதம் ரூ.13,760 ஊதியம் வழங்கப்படும். நோ்காணலில் பங்கேற்க வருபவா்கள் கல்வி, ஓட்டுநா் உரிமம், அனுபவச் சான்றிதழ் ஆகியவற்றின் அசல் கொண்டு வரவேண்டும்.