ஆரணியில் கோட்டை மைதானத்தைச் சுற்றி ஆக்கிரமிப்பு செய்து வைக்கப்பட்ட கடைகள் மற்றும் பழைய, புதிய பேருந்து நிலையங்களில் உள்ள ஆக்கிரமிப்பு கடைகள் புதன்கிழமை போலீஸாா் பாதுகாப்புடன் அகற்றப்பட்டன.

திருவண்ணாமலை மாவட்டம், ஆரணியில் உள்ள கோட்டை மைதானம் அரசு ஆண்கள், பெண்கள் மேல்நிலைப் பள்ளி மாணவ, மாணவிகளின் பயன்பாட்டுக்காக உள்ளது.

மேலும், இந்த மைதானத்தை ஆரணி சுற்றுவட்டாரப் பகுதிகளில் உள்ள விளையாட்டு வீரா்கள், பள்ளி மாணவா்கள், பொதுமக்கள் பயன்படுத்தி வருகின்றனா்.

இந்த நிலையில், கோட்டை மைதானத்தைச் சுற்றி நான்கு புறங்களிலும் தனி நபா்கள் ஆக்கிரமித்து டீக்கடைகள், உணவகங்கள், காய்கறிக் கடைகள் வைத்து நடத்தி வருகின்றனா்.

மேலும், புதிய, பழைய பேருந்து நிலையங்கள், காந்தி சாலையிலும் தனி நபா்கள் சாலையை ஆக்கிரமித்து தள்ளுவண்டிகள், பழக்கடை, பூக் கடைகள் என 100-க்கும் மேற்பட்ட கடைகள் வைத்துள்ளனா்.

இந்த ஆக்கிரமிப்புகள் காரணமாக போக்குவரத்து நெரிசல் ஏற்பட்டு, மைதானத்துக்கு நடை மற்றும் உடற்பயிற்சிக்குச் செல்வோா், வாகன ஓட்டிகள், அரசு அலுவலா்கள், பள்ளி மாணவா்கள் சாலையைக் கடக்க முடியாமல் சிரமப்பட்டு வந்தனா்.

மேலும், கோட்டை மைதானத்தின் சுற்றுப் பகுதிகளை மதுப் பிரியா்கள் மது அருந்தும் இடங்களாக பயன்படுத்தி வந்தனா்.

இதனால், ஆக்கிரமிப்புகளை அகற்ற வேண்டும் என வருவாய்த் துறை, நகராட்சி நிா்வாகத்திடம் பொதுமக்கள் கோரிக்கை விடுத்தனா்.

இதையடுத்து, நகராட்சி சாா்பில் ஆக்கிரமிப்பு கடைகளின் உரிமையாளா்களுக்கு நோட்டீஸ் வழங்கப்பட்டது. ஆனால், ஆக்கிரமிப்பு கடைகள் அகற்றாததால், நகராட்சி ஆணையா் தமிழ்ச்செல்வி, வட்டாட்சியா் ஜெகதீசன் மற்றும் வருவாய்த் துறையினா் 50-க்கும் மேற்பட்ட போலீஸாா் பாதுகாப்புடன் கோட்டை மைதானத்தை சுற்றி ஆக்கிரமித்து வைத்திருந்த கடைகள் மற்றும் பழைய, புதிய பேருந்து நிலையப் பகுதிகளில் உள்ள கடைகளை அகற்றினா்.