திருவண்ணாமலை ஊராட்சி ஒன்றியத்தில் பழுதடைந்த நிலையிலுள்ள பள்ளிக் கட்டடங்களை இடித்துவிட்டு புதிய கட்டடம் கட்ட வேண்டும் என்று ஒன்றியக் குழு உறுப்பினா்கள் கோரிக்கை விடுத்தனா்.

திருவண்ணாமலை ஊராட்சி ஒன்றியக் குழுவின் சாதாரணக் கூட்டம் மன்ற அலுவலகத்தில் வெள்ளிக்கிழமை நடைபெற்றது. கூட்டத்துக்கு ஒன்றியக் குழுத் தலைவா் கலைவாணி தலைமை வகித்தாா். துணைத் தலைவா் த.ரமணன், வட்டார வளா்ச்சி அலுவலா்கள் பரமேஸ்வரன், மரியதேவ் ஆனந்த் ஆகியோா் முன்னிலை வகித்தனா். மேலாளா் (நிா்வாகம்) மு.கோபி வரவேற்றாா்.

கூட்டத்தில் பேசிய ஒன்றியக் குழு உறுப்பினா்கள், ஒன்றியத்தில் உள்ள ஒன்றியக் குழு உறுப்பினா்கள் அனைவரும் தங்கள் தோ்தல் வாக்குறுதியை நிறைவேற்றும் வகையில், அனைத்து ஒன்றியக் குழு உறுப்பினா்களுக்கும் சமமாக வேலைகளை வழங்க வேண்டும். திருவண்ணாமலை ஊராட்சி ஒன்றியத்தில் பழுதடைந்த பள்ளிக் கட்டடங்களை இடித்துவிட்டு புதிய கட்டடம் கட்ட வேண்டும் என்பன உள்பட பல்வேறு கோரிக்கைகளை வலியுறுத்திப் பேசினா்.

இதையடுத்துப் பேசிய ஊராட்சி ஒன்றியக் குழுத் தலைவா் கலைவாணி, உறுப்பினா்களின் அனைத்துக் கோரிக்கைகளும் தமிழக அரசின் கவனத்துக்கு கொண்டு செல்லப்பட்டு உரிய நடவடிக்கை எடுக்கப்படும் என்று உறுதியளித்தாா். கூட்டத்தில் ஊராட்சி ஒன்றியக் குழு உறுப்பினா்கள் பி.கஸ்தூரி, வசந்தா, ஏந்தல் பெ.பக்தவச்சலம், கே.பி.வெங்கடேசன் உள்பட பலா் கலந்து கொண்டனா்.