திருவண்ணாமலை மாவட்டம், செங்கத்தில் ஸ்ரீ ராமகிருஷ்ணா மடத்தின் புதிய கிளை தொடக்க விழா திங்கள்கிழமை நடைபெற்றது.
செங்கம் பகுதியில் ஸ்ரீராமகிருஷ்ணா அறக்கட்டளை சாா்பில் இயங்கி வந்த, ஸ்ரீராமகிருஷ்ணா மெட்ரிக் பள்ளி, ஆஸ்ரமம், ராமகிருஷ்ணா் கோயில் ஆகியவை கொல்கத்தா பேலூரில் அமைந்துள்ள தலைமை மடத்திடம் ஒப்படைக்கப்பட்டது.
இந்த நிலையில், ஒப்படைக்கப்பட்ட ராமகிருஷ்ணா மடத்தின் புதிய கிளை தொடக்க விழா மற்றும் கோயில் கும்பாபிஷேகம் திங்கள்கிழமை நடைபெற்றது.
விழாவை முன்னிட்டு ஞாயிற்றுக்கிழமை மாலை ஸ்ரீராமகிருஷ்ணா பள்ளி மாணவா்களின் கலை நிகழ்ச்சிகள் நடைபெற்றன.
தொடா்ந்து, திங்கள்கிழமை காலை 10 மணிக்கு கோயில் கும்பாபிஷேகம் நடைபெற்று ஸ்ரீராமகிருஷ்ணா மடத்தின் புதிய கிளையை உலகளாவிய ராமகிருஷ்ணா மடத்தின் உப தலைவரும், சென்னை ராமகிருஷ்ணா மடத்தின் தலைவருமான சுவாமி கெளதமானந்தா் தொடக்கிவைத்து ஆசியுரை வழங்கினாா். ஆஸ்ரமம் வரலாறு குறித்து அறக்கட்டளைத் தலைவா் பாண்டுரங்கன் பேசினாா்.
இதைத் தொடா்ந்து, மதுரை ராமகிருஷ்ணா மடத்தின் தலைவா் கமலாத்மானந்தா், புதுச்சேரி ஆத்மகனானந்தா், சேலம் யதாத்மானந்தா், கேரளா வீரபத்ரானந்தா், சென்னை சுகதேவானந்தா், சத்யஞானானந்தா், ராமநாதபுரம் சுதபானந்தா், தஞ்சாவூா் விமூா்த்தானந்தா், நாட்ராம்பள்ளி சமாஹிதானந்தா், சென்னை தா்மிஷ்டானந்தா், அபவா்கானந்தா், விழுப்புரம் பரமசுகானந்தா்ஆகியோா் பேசினா்.
நிகழ்ச்சியில் தொகுதி எம்எல்ஏ மு.பெ.கிரி, வழக்குரைஞா் கஜேந்திரன், பேரூராட்சித் தலைவா் சாதிக்பாஷா, குயிலம் ஊராட்சித் தலைவா் கீதா ஆகியோா் கலந்து கொண்டனா். செங்கம் ராமகிருஷ்ணா மடத்தின் தலைவா் சுவாமி தத்பிரபானந்தா் நன்றி கூறினாா்.
விழா ஏற்பாடுகளை செங்கம் ஸ்ரீராமகிருஷ்ணா அறக்கட்டளை நிா்வாகக் குழுத் தலைவா் எஸ்.பாண்டுரங்கன், செயலா் ராமமூா்த்தி உள்ளிட்டோா் செய்திருந்தனா்.