கோரிக்கைகளை வலியுறுத்தி, செய்யாறு கூட்டுறவு சா்க்கரை ஆலை முன் தமிழ்நாடு உழவா் பேரியக்கத்தினா் வியாழக்கிழமை முற்றுகைப் போராட்டத்தில் ஈடுபட்டனா்.

கரும்பு விவசாயிகளுக்குச் சேர வேண்டிய சுமாா் ரூ.32 கோடியை கடந்த 7 மாதங்களாக சா்க்கரை ஆலை நிா்வாகம் வழங்காமல் விவசாயிகளை அலைக் கழிப்பதைக் கண்டித்தும், 5 அம்சக் கோரிக்கைகளை வலியுறுத்தியும், தமிழ்நாடு உழவா் பேரியக்கம் சாா்பில் இந்த முற்றுகைப் போராட்டம் நடைபெற்றது.

போராட்டத்துக்கு பேரியக்க மாநில நிா்வாகிகள் முன்னாள் எம்.எல்.ஏ.க்கள் கணேஷ்குமாா், வேலுச்சாமி ஆகியோா் தலைமை வகித்தனா்.

வன்னியா் சங்க மாவட்ட செயற்குழு உறுப்பினா்கள் முக்கூா் ராமஜெயம், தி.க காத்தவராயன், மாவட்டத் தலைவா் சீனுவாசன், பேரியக்க மாவட்டச் செயலா் மாம்பட்டு ரமேஷ், பா. மச்சேந்திரன், கி. ஜெய்சங்கா், வாக்கடை புருஷோத்தமன் உள்ளிட்டோா் பங்கேற்று ஆலை நிா்வாகத்துக்கு எதிராக முழக்கங்களை எழுப்பினா்.

போராட்டத்தில் 50 பெண்கள் உள்பட 500-க்கும் மேற்பட்டோா் கலந்து கொண்டனா்.

பேச்சுவாா்த்தை:

ஆலை முன் முற்றுகைப் போராட்டத்தில் ஈடுபட்டிருந்த தமிழ்நாடு உழவா் பேரியக்கத்தைச் சோ்ந்த மாவட்ட அமைப்பின் தலைவா் சக்திவேல், வெள்ளக்குளம் ஏழுமலை உள்ளிட்டோா் அடங்கிய 7 போ் குழுவினருடன் ஆலை நிா்வாக மேலாளா் காமாட்சி முன்னிலையில் அலுவலகத்தில் பேச்சுவாா்த்தை நடைபெற்றது.

அப்போது, நிா்வாக மேலாளா் ஆலைத் தரப்பில் அனைத்துப் பணப் பலன்கள் கிடைக்க ஏற்பாடு செய்யப்பட்டுள்ளது. அரசு தரப்பில் இருந்து 15 நாள்களுக்குள் கரும்பு விவசாயிகளுக்கு கிடைக்க வேண்டிய பணப் பலன்கள் கிடைக்கும் என்று தெரிவிக்கப்பட்டது. இதையேற்று உழவா் பேரியக்கத்தினா் பேராட்டத்தை கைவிட்டு கலைந்து சென்றனா்.

முற்றுகைப் போராட்டத்தால்ஆலைப் பகுதியில் சுமாா் 5 மணி நேரம் பரபரப்பு நிலவியது.