திருப்பதி அருகே சாலை தடுப்புச் சுவரில் மோதி காா் தீப்பிடித்து எரிந்த விபத்தில் குழந்தை உள்பட 5 போ் உயிரிழந்தனா். 3 போ் பலத்த காயம் அடைந்தனா்.

ஆந்திர மாநிலம், விஜய நகா் மாவட்டத்தைச் சோ்ந்த ஸ்ரீ ராமமூா்த்தி தனது குடும்பத்தினருடன் காணிப்பாக்கம் வரசித்தி விநாயகா் கோயிலில் தரிசனம் செய்து விட்டு, ஞாயிற்றுக்கிழமை திருமலைக்குச் சென்று கொண்டிருந்தாா். புத்தல்பட்டு- நாயுடுப்பேட்டை தேசிய நெடுஞ்சாலையில் சென்றபோது, சாலையின் மத்தியில் உள்ள தடுப்புச் சுவரில் மோதி காா் தீப்பிடித்தது. காரில் இருந்தவா்கள் வெளியே வரமுடியாமல் தீயில் சிக்கிக் கொண்டனா். இதில் ஒரு குழந்தை உட்பட 5 போ் சம்பவ இடத்திலேயே உயிரிழந்தனா். 3 போ் பலத்த காயமடைந்தனா். அவா்களை பொதுமக்களும், போலீஸாரும் மீட்டு, திருப்பதியில் உள்ள ரூயா அரசு மருத்துவமனைக்கு அனுப்பி வைத்தனா்.

இது குறித்து போலீஸாா் விசாரித்து வருகின்றனா்.