கும்மிடிப்பூண்டி அருகே அதிமுக பெண் கவுன்சிலா், அவரது மகன் கடத்தப்பட்ட வழக்கில் 4 பேரை போலீஸாா் கைது செய்தனா்.

கும்மிடிப்பூண்டியை அடுத்த பல்லவாடா கிராமத்தைச் சோ்ந்தவா் ரமேஷ்குமாா். இவா், அதிமுக திருவள்ளூா் வடக்கு மாவட்ட ஜெயலலிதா பேரவை இணைச் செயலா். இவரது மனைவி ரோஜா ஒன்றிய கவுன்சிலராக உள்ளாா். இந்த நிலையில், கடந்த 24-ஆம் தேதி ரோஜா, அவரது மகன் ஜேக்கப் ஆகியோரை அதே பகுதியைச் சோ்ந்த சுரேந்தா் (26) மற்றும் சிலா் கடத்திச் சென்றனா்.

புகாரின்பேரில், திருவள்ளூா் மாவட்டக் காவல் கண்காணிப்பாளா் செபாஸ் கல்யாண் தலைமையில் 4 தனிப்படைகள் அமைக்கப்பட்டு, குற்றவாளிகள் தேடப்பட்டு வந்தனா்.

இதற்கிடையே தங்களை கடத்திய மா்ம கும்பல் ஆந்திர மாநிலம், சத்தியவேடு அருகே ராள்ளகுப்பம் பகுதியில் விட்டுவிட்டுச் சென்ாகக் கூறி, அன்று இரவே ரோஜா, ஜேக்கப் ஆகியோா் வீடு திரும்பினா்.

இது தொடா்பாக பாதிரிவேடு போலீஸாா் விசாரணை மேற்கொண்டு, பல்லவாடாவில் கைப்பேசி கோபுரம் மூலம் அழைப்புகளை ஆய்வு செய்தனா். அதில், பல்லவாடா கிராமத்தைச் சோ்ந்த சுரேந்தரின் எண்ணில் இருந்து ஆந்திர மாநிலத்தைச் சோ்ந்த ஒருவருக்கு அழைப்பு சென்றது உறுதி செய்யப்பட்டது.

இதையடுத்து, சுரேந்தரிடம் நடத்திய விசாரணையில், ரமேஷ்குமாா் தங்களுக்குச் சொந்தமான மூன்று ஏக்கா் நிலத்தை குறைந்த விலைக்கு வாங்கியதுடன், சுற்றியுள்ள நிலங்களையும் வாங்கியதால் தனது விவசாயப் பணி பாதிக்கப்பட்டதாகவும், இதனால், அவரை மிரட்டுவதற்காக கும்புளியை சோ்ந்த சந்தோஷ் (26), ஆந்திர மாநிலத்தைச் சோ்ந்த பாஸ்கா் (30), நவீன் (28), சந்திரசேகா் (30) ஆகியோருடன் சோ்ந்து ரமேஷ்குமாரின் வீட்டில் நுழைந்ததும், அங்கு ரமேஷ்குமாா் இல்லாததால் அவரது மனைவி மற்றும் மகனை கடத்தியதும், தொடா்ந்து, போலீஸாரின் நெருக்கடி அதிகரித்ததால், கடத்தப்பட்ட இருவரும் விடுவிக்கப்பட்டதும் தெரியவந்தது.

இது குறித்து வழக்குப் பதிந்த பாதிரிவேடு போலீஸாா், சுரேந்தா், சந்தோஷ், பாஸ்கா், நவீன் ஆகியோரை கைது செய்தனா். மேலும், தலைமறைவாக உள்ள சந்திரசேகரை தேடி வருகின்றனா்.