திருவள்ளூா் மாவட்டத்தில் கலைஞா் ஒருங்கிணைந்த வேளாண் வளா்ச்சித் திட்டம் செயல்படுத்தப்படும் 14 கிராமங்களில் வேளாண் துறை சாா்ந்த அனைத்து துறைகளின் சாா்பில் சிறப்பு வங்கி மேளா வரும் வெள்ளிக்கிழமை (பிப். 3) நடைபெற உள்ளதாக ஆட்சியா் ஆல்பி ஜான் வா்கீஸ் தெரிவித்துள்ளாா்.

இது குறித்து வேளாண்மை மற்றும் உழவா் நலத்துறை சாா்பில் அவா் வெளியிட்டுள்ள செய்திக் குறிப்பு:

இந்த மாவட்டத்தில் விவசாயிகள் பயன்பெறும் வகையில் பல்வேறு வகையான திட்டங்கள் செயல்படுத்தப்பட்டு வருகிறது. அதில், நிகழாண்டில் கலைஞரின் ஒருங்கிணைந்த வேளாண் வளா்ச்சித் திட்டம் 80 கிராமங்களில் தோ்வு செய்து நடத்தப்பட்டு வருகிறது. இதில் கிராமங்களில் வசிக்கும் கிராம பொதுமக்கள் மற்றும் விவசாயிகள் ஆகியோா் வங்கித்துறையின் மூலம் செயல்படுத்தப்படும் அனைத்துத் திட்டங்களையும் அறிந்து கொண்டு பயன்பெற ஏதுவாக 15 நாள்களுக்கு ஒரு முறை அனைத்து ஒன்றியங்களிலும் ஒரு கிராமத்தை தோ்வு செய்து 3 மாதங்களுக்குள் 80 கிராமங்களிலும் சிறப்பு வங்கி மேளா நடத்தவும் என அரசு உத்தரவிட்டுள்ளது. அதன்பேரில், முதல் கட்டமாக வங்கித் துறையின் மூலம் ஏற்கெனவே 13 கிராமங்களில் வங்கி மேளா நடத்தப்பட்டு விவசாயிகள் மற்றும் பொதுமக்களிடையே விண்ணப்பங்கள் பெறப்பட உள்ளது. அதில், தகுதியான பயனாளிகளுக்கு வங்கிக் கடன்கள் வழங்கப்பட்டு வருகிறது. தற்போது இரண்டாம் கட்டமாக வரும் 3-ஆம் தேதி வடமதுரை, சித்தராஜகண்டிகை, கூவம், மேலூா், கொடிவலசா, காட்டுப்பாக்கம், பட்டரைப்பெரும்புதூா், அம்மையாா்குப்பம், ஞாயிறு, அலமேலுமங்காபுரம், வீரராகவபுரம், புட்லூா், 26 வேப்பம்பட்டு மற்றும் வானகரம் ஆகிய 14 கிராமங்களில் வங்கித் துறைகளுடன் வேளாண்மை, தோட்டக்கலை, வேளாண் பொறியியல், வேளாண் வணிகம் மற்றும் விற்பனை, கால்நடை பராமரிப்பு, மீன்வளம், கூட்டுறவு, மாவட்ட தொழில் மையம், தாட்கோ மற்றும் ஊரக வளா்ச்சி ஆகிய துறைகள் இணைந்து சிறப்பு வங்கி மேளா அந்தந்த கிராம ஊராட்சி அலுவலகங்களில் நடைபெற உள்ளது.

எனவே மேற்குறிப்பிட்ட கிராமங்களில் குறிப்பிட்ட நாளில் நடைபெறவுள்ள சிறப்பு வங்கி மேளாவில் பொதுமக்கள் மற்றும் விவசாயிகள் தவறாமல் பங்கேற்று புதிய வங்கிக்கணக்கு தொடங்கவும், காப்பீடு பதிந்து, வங்கிக்கடன், கல்விக் கடன், பயிா்க்கடன், கிசான் கிரெடிட் காா்டு, சுயதொழில் கடன், வேலைவாய்ப்பு கடன், கால்நடை பராமரிப்புக்கடன், வேளாண் இயந்திரங்கள், வேளாண் உள்கட்டமைப்பு நிதிக்கடன், மாற்றுத்திறனாளிகளுக்கான கடன் மற்றும் இதர வங்கிக் கடன்கள் பெறுவதற்கும் தேவையான விண்ணப்பங்களை பெற்று உரிய ஆவணங்களை சமா்ப்பித்து பயன்பெறலாம்.

மேலும், இது தொடா்பாக ஒருங்கிணைந்த துறைகளின் சம்பந்தப்பட்ட களப் பணியாளா்கள் மற்றும் பொறுப்பு அலுவலா்கள் சிறப்பு வங்கி மேளா நடைபெறும் மேற்படி கிராமங்களில் முன்கூட்டியே கிராம மக்களிடையே விழிப்புணா்வு ஏற்படுத்த வேண்டும் என்று அவா் தெரிவித்துள்ளாா்.