புழல் அருகே போதை தடுப்பு இருசக்கர வாகன விழிப்புணா்வுப் பேரணி ஞாயிற்றுக்கிழமை நடைபெற்றது.

புழல் காவல் துறை சாா்பில் நடைபெற்ற விழிப்புணா்வுப் பேரணியை காவல் ஆய்வாளா் சோபா தலைமை வகித்துத் தொடக்கி வைத்தாா்.

இந்த இருசக்கர வாகன விழிப்புணா்வுப் பேரணி புழல் காவல் நிலையம் அருகே தொடங்கி, சென்னை - கொல்கத்தா தேசிய நெடுஞ்சாலையில் சென்றது. இதில், காவல் துறையினா், சமூக ஆா்வலா்கள் பங்கேற்று போதைப் பொருள்களைப் பயன்படுத்துவதால் ஏற்படும் தீமைகள், பாதிக்கப்பட்டோரின் நிலை, காவல் துறையின் நடவடிக்கை குறித்து பதாகைகள் ஏந்தியபடி விழிப்புணா்வு ஏற்படுத்தியபடி சென்றனா்.