திருவள்ளூா்: தேசிய சாலை பாதுகாப்பு மாத விழாவை முன்னிட்டு நடைபெற்ற இரு சக்கர வாகனப் பேரணியில், மகளிா் சுய உதவிக் குழுக்களைச் சோ்ந்தோா் திரளாகப் பங்கேற்று முக்கிய வீதிகள் வழியாக வந்து பொதுமக்களுக்கு சாலைப் பாதுகாப்பு குறித்து விழிப்புணா்வு ஏற்படுத்தினா்.

வட்டாரப் போக்குவரத்துத் துறை சாா்பில், 32-ஆவது தேசிய சாலைப் பாதுகாப்பு மாத விழா கடந்த 18-ஆம் தேதி முதல், பிப். 17-ஆம் தேதி வரை கடைப்பிடிக்கப்படுகிறது. இதையொட்டி நாள்தோறும் சாலைப் பாதுகாப்பு குறித்து பொதுமக்களுக்கு விழிப்புணா்வை ஏற்படுத்தும் வகையில் நிகழ்ச்சிகள் நடத்தப்பட்டு வருகிறது.

திருவள்ளூா் மாவட்ட ஆட்சியா் அலுவலக வளாகத்தில் இதையொட்டி, மகளிா் சுய உதவிக் குழுக்கள் பங்கேற்ற இரு சக்கர வாகன விழிப்புணா்வுப் பேரணி வியாழக்கிழமை நடைபெற்றது. இதில், மாவட்டத்தின் பல்வேறு பகுதிகளில் இருந்து மகளிா் சுய உதவிக் குழுக்களைச் சோ்ந்தோா் பங்கேற்றனா். ‘சாலைப் பாதுகாப்பு-உயிா் பாதுகாப்பு’ என்ற தலைப்பில் இரு சக்கர வாகன விழிப்புணா்வுப் பேரணியை ஆட்சியா் பா.பொன்னையா கொடியசைத்துத் தொடக்கி வைத்தாா்.

இதில், மாவட்ட வருவாய் அலுவலா் வெ.முத்துசாமி, திருவள்ளூா் வட்டாரப் போக்குவரத்து அலுவலா் மோகன், செங்குன்றம் வட்டாரப் போக்குவரத்து அலுவலா் இளமுருகன், மோட்டாா் வாகன ஆய்வாளா்கள் பன்னீா்செல்வம், சரவணன், லீலாவதி, மகளிா் சுய உதவிக் குழுவினா் உள்ளிட்டோா் கலந்து கொண்டனா்.