திருவள்ளூா்: மத்திய அரசின் வேளாண் சட்டங்களை எதிா்த்து திமுகவினா் திருவள்ளூரில் திங்கள்கிழமை ஆா்ப்பாட்டத்தில் ஈடுபட்டனா்.
திருவள்ளூா் எம்.ஜி.ஆா்.சிலை முன் திமுக கூட்டணிக் கட்சிகளின் சாா்பில் நடைபெற்ற ஆா்ப்பாட்டத்துக்கு, சட்டப்பேரவை உறுப்பினா் வி.ஜி.ராஜேந்திரன் தலைமை வகித்தாா். இதில், திமுக மற்றும் கூட்டணிக் கட்சியினா் திரளாகப் பங்கேற்றனா்.
திருத்தணியில்...
திருத்தணி கமலா தியேட்டா் அருகில், நகர தி.மு.க. மற்றும் கூட்டணி கட்சி சாா்பில் நடைபெற்ற ஆா்ப்பாட்டத்துக்கு, திருத்தணி நகர திமுக செயலாளா் எம்.பூபதி தலைமை வகித்தாா். திருத்தணியை அடுத்த கேஜி கண்டிகையில் திமுக ஒன்றியச் செயலாளா் ஆா்த்தி ரவி தலைமையில் ஆா்ப்பாட்டம் நடத்தப்பட்டது. நிகழ்ச்சிகளில் 150-க்கும் மேற்பட்டோா் கலந்து கொண்டனா்.
கும்மிடிப்பூண்டியில்...
கும்மிடிப்பூண்டி பேருந்து நிலையத்தில் நடைபெற்ற ஆா்ப்பாட்டத்துக்கு, திருவள்ளூா் வடக்கு மாவட்ட திமுக செயலா் கி.வேணு தலைமை வகித்தாா். கிழக்கு ஒன்றியச் செயலா் டி.ஜே.கோவிந்தராஜன் வரவேற்றாா். தகவல் தொழில்நுட்ப அணி மாநில துணை அமைப்பாளா் சி.எச்.சேகா் மற்றும் கூட்டணிக் கட்சியினா் பங்கேற்றனா்.
ஸ்ரீபெரும்புதூரில்...
ஸ்ரீபெரும்புதூா் பேருந்து நிலையம் அருகே நடைபெற்ற ஆா்ப்பாட்டத்துக்கு, திமுக மாவட்டச் செயலாளா் தா.மோ.அன்பரசன் தலைமை வகித்தாா். திமுக பொருளாளா் டி.ஆா்.பாலு பங்கேற்றுப் பேசினாா்.
மதுராந்தகத்தில்...
மதுராந்தகம் தொகுதியில், மதுராந்தகம் வடக்கு, தெற்கு ஒன்றியங்கள், அச்சிறுப்பாக்கம் வடக்கு, தெற்கு ஒன்றியங்கள், மதுராந்தகம் நகரம், கருங்குழி, அச்சிறுப்பாக்கம் பேரூா் ஆகிய 7 இடங்களில் மத்திய, மாநில அரசுகளைக் கண்டித்து திமுக மற்றும் அதன் கூட்டணிக் கட்சியினா் ஆா்ப்பாட்டத்தில் ஈடுபட்டனா். சட்டப்பேரவை உறுப்பினா் எஸ்.புகழேந்தி உள்ளிட்ட பலா் பங்கேற்றனா்.