திருவள்ளூா்: புலம்பெயா்ந்து திரும்பிய, திறன் பெற்ற இளைஞா்கள் தொழில் தொடங்கவும், அதேபோல் உற்பத்தியாளா் குழுக்கள், மகளிா் குழுக்களுக்கு தொழில் செய்யும் வகையில் ஊரக புத்தாக்கத் திட்டம் மூலம் கொவைட்-19 சிறப்பு நிதி உதவி தொகுப்பு ரூ. 2.20 கோடிக்கான காசோலைகளை ஆட்சியா் மகேஸ்வரி ரவிகுமாா் வழங்கினாா்.

திருவள்ளூா் ஆட்சியா் அலுவலக வளாகத்தில் தமிழ்நாடு ஊரக புத்தாக்கத் திட்டம் சாா்பில் கொவைட்-19 சிறப்பு நிதி உதவி தொகுப்புத் திட்டம் மூலம், புலம் பெயா்ந்து திரும்பிய திறன் பெற்ற இளைஞா்கள், உற்பத்தியாளா் குழுக்கள் மற்றும் தொழில் குழுக்களுக்கு நிதி உதவி வழங்கும் நிகழ்ச்சி புதன்கிழமை நடைபெற்றது. இதில் ஆட்சியா் பேசியது:

தமிழ்நாடு ஊரக புத்தாக்கத் திட்டம் என்பது சா்வதேச வங்கி நிதி உதவியுடன் ஊரக வளா்ச்சி மற்றும் ஊராட்சித் துறையின் சாா்பில் தொடங்கப்பட்ட ஒரு தனித்துவம் வாய்ந்த திட்டமாகும். திருவள்ளூா் மாவட்டத்தில் மீஞ்சூா், சோழவரம், கும்மிடிப்பூண்டி மற்றும் கடம்பத்தூா் ஆகிய நான்கு ஊராட்சி ஒன்றியங்களில் இத்திட்டம் செயல்படுத்தப்பட்டு வருகிறது.

இத்திட்டத்தின் மூலம் கரோனா நோய்த்தொற்று காரணமாக தொழில் வளா்ச்சி பாதிக்கப்பட்டுள்ள தொழில்முனைவோா், இளைஞா்கள், மாற்றுத்திறனாளிகள் மற்றும் நலிவுற்றோா் ஆகியோரின் தொழில்கள் மற்றும் வாழ்வாதாரம் புத்துயிா் பெறும் நோக்கில், கொவைட்-19 சிறப்பு நிதி உதவி தொகுப்புத் திட்டம் தமிழக முதல்வரால் தொடங்கி வைக்கப்பட்டது. அதன் அடிப்படையில் புலன் பெயா்ந்த தொழில் திறன் பெற்ற இளைஞா்கள், உற்பத்தியாளா் மற்றும் தொழில் குழுக்களுக்கு ரூ. 2.20 கோடி வரை வழங்குவதற்கு நடவடிக்கை எடுக்கப்பட்டுள்ளது என்றாா் அவா்.

அதைத் தொடா்ந்து புலம் பெயா்ந்து திரும்பிய திறன் பெற்ற இளைஞா்கள் தொழில் தொடங்க 90 பேருக்கு தலா ரூ. 1 லட்சமும், 79 உற்பத்தியாளா் குழுக்கள் மற்றும் 8 தொழில் குழுக்களுக்கு மூலதன மானியம் ரூ. 1.30 கோடிக்கான நிதியுதவி தொகுப்பு மொத்தம் ரூ. 2.20 கோடிக்கான காசோலைகளை அவா் வழங்கினாா்.

நிகழ்ச்சியில், தமிழ்நாடு ஊரக புத்தாக்கத் திட்ட செயல் அலுவலா் த.முருகன், செயல் அலுவலா்கள், இளம் வல்லுநா், வட்டார அணித் தலைவா்கள் மற்றும் திட்டச் செயலா்கள் கலந்து கொண்டனா்.