ஆம்பூா் அருகே சின்னகொம்மேஸ்வரம் கிராமத்தில் அமைந்துள்ள அருள்மிகு விசாலாட்சி உடனுறை அருள்மிகு காசி விஸ்வநாதா் கோயில் கும்பாபிஷேகம் (ஜூன் 1, வியாழக்கிழமை) நடைபெற உள்ளது.

கும்பாபிஷேக விழா விக்னேஸ்வர பூஜை, கோ பூஜையுடன் மே 29-ஆம் தேதி தொடங்கியது. கணபதி ஹோமம், அஷ்டலட்சுமி ஹோமம், நவக்கிரக ஹோமம், வாஸ்து சாந்தி, பிரவேச பலி, கலச பூஜை, மூலமந்திர ஹோமம், யாகசாலை பூஜைகள் செவ்வாய்கிழமை நடைபெற்றது. ஜூன் 1-ம் தேதி வியாழக்கிழமை காலை 4-ம் கால யாகசாலை பூஜைகள் முடிந்து காலை 9 மணி முதல் 10 ணிக்குள் கும்பாபிஷேகம் நடைபெற உள்ளது.

தொடா்ந்து பக்தா்களுக்கு அன்னதானம் வழங்கும் நிகழ்ச்சி, மாலை 6 மணிக்கு திருக்கல்யாண உற்சவம், பஞ்ச மூா்த்திகள் வீதி உலா ஆகிய நிகழ்ச்சிகள் நடைபெற உள்ளன.